નવા નિયમો / હવે બોલ પર થૂક નહીં લગાવી શકે બોલર, માંકડિંગ પણ ઑફિશ્યલ: જાણી લૉ ક્રિકેટના નવા નિયમો

• મેરિલબોન ક્રિકેટ કલ્બ દ્વારા નવા નિયમોની કરાઈ જાહેરાત
• બધા નિયમ 1 ઓક્ટોબર, 2022થી કરાશે લાગુ
• ક્રિકેટ બોલ પર થૂંક લગાવવાના નિયમ પર મુકાયો પ્રતિબંધ 

હવે નવો બેટર ક્રીજ પર આવશે તો તે બેટીંગ કરશે

જો હવે કોઈ કેચ થાય છે અને ત્યારબાદ જે પણ નવો બેટર ક્રીજ પર આવશે તે બેટીંગ કરશે. પહેલા એવો નિયમ હતો કે જો બેટર કેચ દરમ્યાન ચેન્જ થાય તો જૂનો બેટર પણ બેટિંગ કરી શકતો હતો. જો મેદાનમાં કોઈ વ્યક્તિ અથવા પ્રાણી એન્ટ્રી કરે છે તો તેને ડેડ બોલ જાહેર કરવામાં આવશે. જ્યારે ખેલ પર કોઈ વસ્તુની અસર પડશે ત્યારે આવુ કરવામાં આવશે. પહેલા આવુ કરવાથી રમત રોકી દેવામાં આવતી હતી અથવા પછી તેને થોડા સમય માટે રોકી દેવામાં આવતી હતી. 

વાઈડ બોલને લઇને નિયમો બદલાયા

જો ફિલ્ડિંગ વખતે કોઈ ફીલ્ડર ખોટી રીતે મૂવમેન્ટ કરે છે તો પહેલા તેને ડેડ બૉલ જાહેર કરવામાં આવતો હતો. આવુ કરવા માટે પેનલ્ટી તરીકે 5 રન આપવામાં આવશે. આવુ કરવાથી પહેલા ઘણી વખત બેટીંગ કરનારી ટીમને નુકસાન થતુ હતુ. કારણકે કોઈ સારા શૉટના રન મનાતા નહોતા. વાઈડ બોલને લઇને પણ હવે નિયમો બદલાઇ ગયા છે. બેટર જો કોઈ ઈનોવેટિવ શૉટ રમવા માટે તેના સ્ટાન્સમાં ફેરફાર કરી શકે છે અને બોલર તેનો પીછો કરવા માટે બોલ ગમે ત્યાં નાખે છે. તો બેટરની પોઝીશન પ્રમાણે વાઈડ માપવામાં આવશે. ના સ્ટમ્પના અંતર પ્રમાણે. 

હવે આ રીતે ડેડ બોલ કરાશે જાહેર 

જો કોઈ બોલર ડિલીવરી સ્ટ્રાઈડમાં આવતા પહેલા સ્ટ્રાઈક પર રહેલા બેટરને રનઆઉટ કરવાનો પ્રયાસ કરે છે ત્યારે આ ડેડ બોલ જાહેર કરવામાં આવશે. આવુ ખૂબ ઓછુ થતુ હતુ તેથી પહેલા તેને નો બોલ માનવામાં આવતો હતો.