વડોદરા / પાટીલ બોલ્યાં, યુવાન હતા એટલે મેયર બનાવ્યા પણ આવું ઢીલું કામ નહીં ચાલે, મીટિંગો બંધ કરો

• વડોદરા મેયરને લઇ પાટીલનું મોટુ નિવેદન
• કેયુરને મેયર બનાવ્યો ત્યારે લાગ્યું કે ઝડપથી નિર્ણય લેશે
• મેયર કેયુર રોકડીયા હવે મીટિંગો બંધ કરો, નિર્ણય લોઃ પાટીલ

પ્રદેશ ભાજપ અધ્યક્ષ સી.આર. પાટીલે વડોદરાના મેયરની કામગીરીને ઢીલી ગણાવી છે તેમણે મેયરની કામગીરીને લઈને સવાલો ઉઠાવ્યા છે અને કહ્યું કે મીટિંગો બંધ કરી, કામ શરૂ કરવાની શીખામણ આપી છે. મહત્વનું છે કે આગામી નવેમ્બર મહિનામાં વડોદરા મહાનગર આયોજન સમિતિની ચૂંટણી યોજાનાર છે, જેમાં 8મી  નવેમ્બર સુધીમાં ફોર્મ ભરાનાર છે ત્યારે સી.આર.પાટીલે કાર્યકરો અને નેતાઓને કામગીરીમાં લાગી જવાની સલાહ આપી છે. 

કેયુરને મેયર બનાવ્યો ત્યારે લાગ્યું કે ઝડપથી નિર્ણય લેશે

અહીં ઉલ્લેખનિય છે કે 5 વર્ષ દરમિયાન મેટ્રો પોલિટીન પ્લાનિંગ કમિટીની એક પણ બેઠક મળી નથી, જો કે હવે મેટ્રોપોલિટીન પ્લાનિંગ કમિટીની ફરી એકવાર ચૂંટણી યોજાવા જઈ રહી છે. ત્યારે હવે પાલિકાની મુખ્ય સમિતીઓમાં રહી ગયેલા કોર્પોરેટરોને સ્થાન મળે તેવું લાગી રહ્યું છે, એટલું જ નહીં હવે આગામી 2022માં ગુજરાત વિધાનસભાની ચૂંટણીઓ યોજાનાર છે ત્યાર અત્યારથી કામેલાગી જવાની સી.આર.પાટીલે કાર્યકરોને સલાહ આપી છે. વડોદરા શહેર મેયરની કામગીરી સામે સવાલ કરતા પ્રદેશ પ્રમુખને કહ્યું કે મેયર બનાવ્યા ત્યારે લાગ્યું કે ઝડપથી નિર્ણય લેશે,પરતું કોઈ નક્ક કામગીરી કરવામાં આવી નથી એટલું જ નહીં પાટીલે મેયરને એમ પણ કહ્યું કે મેયર કેયુ રોકડીયા યુવાન છે એટલે મેયર બનાવ્યા છે, મીટિંગો બંધ કરીને જલ્દી કામે લાગી જાય, આગામી અઠવાડિયામાં ગાયો રોડ પર ના દેખાવવી જોઈએ, તેમજ મંદિરમાં ભિક્ષુક પણ ના દેખાવા જોઈએ, આમ કહેતા વડોદરા મેયરને મીટિંગો બંધ કરીને કામ પર લાગી જવાની સલાહ આપી છે.

મીટિંગો બંધ કરો અને કામ કરો : સી.આર. પાટીલ

પાંચ વર્ષ બાદ ફરી એકવાર ગુજરાત મેટ્રોપોલિટન પ્લાનિંગ કમિટી એક્ટ હેઠળ મેટ્રોપોલિટન પ્લાનિંગ કમિટીની ચૂંટણી કરવાની પૂર્વ તૈયારી શરૂ કરાઈ છે. આ સમિતિમાં કુલ 45 સભ્યની નિમણૂક કરાશે. જેમાં આઠ સભ્ય સરકાર નિયુક્ત અને સાત તજજ્ઞનો સમાવેશ કરાશે તો બાકીના 30 સભ્ય હાલના ચૂંટાયેલા કોર્પોરેટર રહેશે.પાલિકાના 30 ચૂંટાયેલા કોર્પોરેટર ની નિમણૂક કરવા માટે ચૂંટણી કરાશે. જેમાં હાલના 76 ચૂંટાયેલા કોર્પોરેટર પોતે જ ઉમેદવાર રહેશે અને મતદારો પણ તે જ રહેશે.આ સમિતિના ચીફ ઇલેક્શન ઓથોરિટી એવા મ્યુ.કમિશનર દ્વારા મહાનગર આયોજન સમિતિના ૩૦ સભ્યો ચૂંટવા માટે ચૂંટણી જાહેર કરી છે અને તેમાં 8 નવેમ્બર સુધીમાં ફોર્મ ભરવાના રહેશે.