હદ કરી આ મહામારીએ / વિશ્વમાં કોરોનાના વધુ એક વેરિઅન્ટે દેખા દીધી!, ઓમિક્રોન BA.2 કરતા 10 ગણો છે ખતરનાક

• કોરોનાનો નવો XE વેરિઅન્ટ Omicron કરતાં વધારે સંક્રમણ
• ઓમિક્રોનના સબવેરિયન્ટ BA.2 કરતાં લગભગ 10 ગણો વધારે સંક્રમિત
• રિકોમ્બિનેંટ વેરિઅન્ટ XD નાં પણ કેસ ફ્રાન્સ, ડેનમાર્ક અને બેલ્જિયમમાં જોવા મળ્યાં

કોરોના વાયરસનો એક નવો મ્યુટેંટ વેરિઅન્ટ XE ઓમિક્રોનના સબવેરિયન્ટ BA.2 કરતાં લગભગ 10 ગણો વધારે સંક્રમિત હોઈ શકે છે. વર્લ્ડ હેલ્થ ઓર્ગેનાઈઝેશન (WHO) એ આ અંગે ચિંતા પણ વ્યક્ત કરી છે. XE એ Omicron ના બે સબ લીનેજ BA.1 અને BA.2 નો રિકોમ્બિનેંટ સ્ટ્રેન છે. WHO એ તેના તાજેતરના અહેવાલમાં જણાવ્યું છે કે, જ્યાં સુધી તેના ટ્રાન્સમિશન રેટ અને બીમારીના વ્યવહારમાં નોંધપાત્ર ફેરફાર જોવા નથી જોવા મળતો ત્યાં સુધી તેને ઓમિક્રોન વેરિઅન્ટ સાથે જોડીને જોવામાં આવશે.

BA.2 સબ વેરિઅન્ટ સમગ્ર વિશ્વ માટે ચિંતાજનક

રિપોર્ટ અનુસાર, BA.2 ની તુલનામાં તેની ઇમ્યુનિટી ગ્રોથ રેટ 10 ટકા વધારે હોવાના સંકેત મળ્યાં છે. જો કે, તેની પુષ્ટિ માટે આંકડાઓની આવશ્યકતા છે. WHOનું કહેવું છે કે, BA.2 સબ વેરિઅન્ટ હવે સમગ્ર વિશ્વ માટે સૌથી મોટી ચિંતા બની ચૂક્યો છે કે જેના કેસોની સંખ્યા લગભગ 86 ટકા છે. તમને જણાવી દઈએ કે, XE સ્ટ્રેન પહેલી વાર UKમાં 19 જાન્યુઆરીએ જોવા મળ્યો હતો અને ત્યારથી અત્યાર સુધીમાં 600 થી પણ વધારે XE નાં કેસની પુષ્ટિ થઈ ચૂકી છે.

નવા XD વેરિઅન્ટનાં કેસ ફ્રાન્સ, ડેનમાર્ક અને બેલ્જિયમમાં જોવા મળ્યાં

WHO એ રિપોર્ટમાં કહ્યું કે, તેઓ XE જેવાં રિકોમ્બિનેંટ વેરિઅન્ટના જોખમ પર દેખરેખ રાખવાનું ચાલુ રાખશે અને તેની સાથે જોડાયેલા પુરાવાઓ સામે આવતાં જ તમને અપડેટ કરશે. XE સિવાય WHO એક અન્ય રિકોમ્બિનેંટ વેરિઅન્ટ XD પર પણ નજર રાખી રહ્યું છે કે જે ડેલ્ટા અને ઓમિક્રોનનું હાઇબ્રિડ છે. તેના મોટા ભાગના કેસ ફ્રાન્સ, ડેનમાર્ક અને બેલ્જિયમમાં જોવા મળ્યાં છે.

WHOએ કહ્યું કે, અત્યાર સુધી સામે આવેલા નવા પુરાવાઓ એ XD વધારે સંક્રમક છે અથવા તો તેનાથી વધારે ઘાતક પરિણામ સામે આવ્યાંની પુષ્ટિ નથી કરતા. આથી અત્યારે તેના વિશે ચિંતા કરવાની કોઇ જ જરૂર નથી.