મહામારી / હવે બધા લોકોએ ફરજિયાત કોરોના વેક્સિન લેવી પડશે, ભારતના રાજ્યે લાગુ કર્યો નિયમ, ન લેનારની સામે કાર્યવાહી

• કેન્દ્ર શાસિત પ્રદેશ પુડુચેરીમાં લાગુ પડ્યો નિયમ
• બધા લોકોએ લેવી પડશે કોરોના વેક્સિન
• વેક્સિન ન લેનાર લોકોની સામે થશે કાનૂની કાર્યવાહી
• ઓમિક્રોનની એન્ટ્રી અટકાવવા સરકાર કટિબદ્ધ 

કેન્દ્ર શાસિત પ્રદેશ  પુડુચેરીમાં 4 ડિસેમ્બરથી કોવિડ વેક્સિન  ફરજિયાત બનાવી દેવાયું છે અને તે સંબંધમાં આદેશ પણ બહાર પાડી દેવાયા છે. નવા આદેશમાં કહેવાયું કે હેલ્થ એક્ટ 1973 માં જણાવ્યાનુસાર હવેથી તમામ લોકોએ કોરોના વેક્સિન ફરજિયાત લેવી પડશે, કોરોના વેક્સિન ન લેનાર લોકોની સામે કાનૂની કાર્યવાહી કરવામાં આવશે. 
 

વેક્સિન ન લેનાર લોકોની સામે કાનૂની કાર્યવાહી
સ્વાસ્થ્ય અને પરિવાર કલ્યાણ ડિરેક્ટર જી.શ્રી રામુલુએ નવો આદેશ જારી કરતા જણાવ્યું કે રાજ્યમાં હવે વેક્સિનેશન તત્કાળ અસરથી અનિવાર્ય કરી દેવાયું છે. તમામ લોકોએ વેક્સિન લેવી પડશે અને જે લોકોએ વેક્સિન નહીં મૂકાવે તેમની સામે કાનૂની કાર્યવાહી કરવામાં આવશે. 
શું દેશ આખામાં લાગુ પડાશે આ નિયમ 
ભારતમાં ઓમિક્રોનના કેસ વધતા જાય છે અને તેને કારણે ક્યાંય બાજી ન બગડે તે માટે સ્વાસ્થ્ય નિષ્ણાંતો વેક્સિનેશનને ફરજિયાત કરવાની વિચારણા કરી રહ્યાં છે. ભારતના બીજા રાજ્યો પણ આ નિયમ લાગુ પાડે તે જરુરી છે. 

ભારતમાં નવા વેરિયન્ટ ઓમિક્રોનના 5 કેસ થયા
ભારતમાં કોરોનાના નવા વેરિયન્ટ ઓમિક્રોનના અત્યાર સુધી5  કેસ થયા છે. સૌથી પહેલા બે કેસ કર્ણાટકમાંથી નોંધાયા છે ત્યાર બાદ ગુજરાતના જામનગરનો એક વ્યક્તિનો પણ ઓમિક્રોન ટેસ્ટ પોઝિટીવ આવ્યો છે અને હવે મુંબઈમાં ઓમિક્રોન વેરિયન્ટનો ચોથો કેસ નોંધાયો છે. મુંબઈ બાદ દિલ્હીમાંથી પણ રવિવારે ઓમિક્રોનનો એક કેસ નોંધાયો છે.