મહામારી / વેક્સિનેશન મામલે ભારતે G7 દેશોનો રેકોર્ડ તોડ્યો, ઓગસ્ટનો આંકડો જાણીને થશે હાશકારો

• દેશમાં ઓગસ્ટે મહિનામાં વેક્સિનેશનનો રેકોર્ડ તૂટ્યો
• ઓગસ્ટમાં 180 મિલિયનથી વધારે ડોઝ અપાયા  
• G7 ના તમામ દેશોની તુલનામાં સૌથી વધારે ડોઝ અપાયા

સરકારે જણાવ્યું કે ઓગસ્ટમાં ભારતે G7 ના તમામ દેશોની તુલનામાં સૌથી વધારે વેક્સિનના ડોઝ આપ્યાં છે. જી-7 દેશોોમાં કેનેડા, યુકે, યુએસ, ઈટાલી, જર્મની, ફ્રાન્સ અને જાપાન સામેલ છે. 

Yet another achievement! With more than 180 million vaccine doses administered in the month of August, India leaves a mark on the Global map of leading its way in vaccinating its population on priority. #LargestVaccineDrive pic.twitter.com/ftvdHVIWMk

— MyGovIndia (@mygovindia) September 5, 2021

સરકારે ટ્વિટ કરીને જાણકારી આપી કે વધુ એક ઉપલબ્ધિ, ઓગસ્ટમાં વેક્સિનના 180 મિલિયનથી વધારે ડોઝ આપવાની સાથે, ભારતે પ્રાથમિકતાને આધારે તેની વસતીનું વેક્સિનેશન કરવાના વૈશ્વિક ફલક પર તેની છાપ સર્જી છે. 

દેશમાં અત્યાર સુધી કોરોના વેક્સિનના કુલ 68.46 કરોડ ડોઝ અપાયા છે. 

કેન્દ્ર સરકારે દરેક રાજ્યોને પત્ર લખીને કોરોના વેક્સિન લગાવતા પહેલા તેની તપાસ કરવા માટે આદેશ આપ્યા છે કે વેક્સિન અસલી છે કે નકલી. કેન્દ્રીય સ્વાસ્થ્ય મંત્રાલય દ્વારા દરેક રાજ્યોને પત્ર લખીને તેમને સચેત કરવામાં આવ્યા છે. 

WHOએ એલર્ટ જાહેર કર્યુ 

આ પત્ર લખવા પાછળનું મૂળ કારણ એ છે કે થોડાક દિવસો પહેલાજ સાઉથ ઈસ્ટ એશિયા અને આફ્રિકામાં નકલી કોવિશીલ્ડ મળી હતી. જે મુ્દ્દાને વિશ્વ સ્વાસ્થ્ય સંગઠને પણ ધ્યાનમાં લીધો અને સમગ્ર વિશ્વને તેમણે નકલી વેક્સિનને લઈને એલર્ટ કરી દીધું છે. કારણકે કોરોના મહામારી  વચ્ચે નકલી વેક્સિન બજારમાં આવે તે આપણા માટે ચીંતાનો વિષય કહી શકાય.