ભારતમાં વધી રહેલા કોરોનાના નવા સ્ટ્રેનને લઈને કેન્દ્ર સરકાર સતર્ક છે. આ સમયે કેન્દ્રીય સ્વાસ્થ્ય સચિવે રાજ્યોને ખાસ અપીલ સાથે કહ્યું છે કે ભીડ રોકવામાં આવે. થોડી છૂટ પણ સુપરસ્પ્રેડર બની શકે છે. દિલ્હી, કેરળ, તમિલનાડુ, રાજસ્થાન, મહારાષ્ટ્રમાં ખાસ રાત્રિ કર્ફ્યૂ જાહેર કરાયો છે અને 5થી વધુ લોકોને રાતે 11 વાગ્યા બાદ એકઠા ન થવાનું કહ્યું છે.
કોરોના અને નવા સ્ટ્રેનને લઈને સરકાર એલર્ટ
નવા વર્ષની ઉજવણી માટે જાહેર કર્યા દિશા નિર્દેશ
જાણો કયા રાજ્યોમાં શું છે નિયમો
દિલ્હી
દેશની રાજધાની દિલ્હીમાં 31 ડિસેમ્બરની રાતથી જ કર્ફ્યૂ જાહેર કરાયો છે જે 2 ડિસેમ્બરની સવારે 6 વાગ્યા સુધી રહેશે. દિલ્હી આપદા પ્રાધિકરણના આદેશ અનુસાર સાર્વજનિક સ્થળોએ 5થી વધારે વ્યક્તિઓ ભેગા થઈ શકશે નહીં. વર્ષનો કોઈ તહેવાર ઉજવાશે નહીં. 31 ડિસેમ્બરની રાતે 11 વાગ્યાથી 2 જાન્યુઆરીની સવારે 6 વાગ્યા સુધી સાર્વજનિક સ્થળોએ સભાઓ થશે નહીં.
કેરળ
કેરળ સરકારે એક આદેશ જાહેર કરીને નવા વર્ષની ઉજવણીને માટે દરેક સાર્વજનિક સમારોહને પ્રતિબંધિત કર્યા છે. પ્રમુખ સચિવ ડો. એ જયતિલક દ્વારા પસાર કરાયેલા આદેશને દરેક જિલ્લા કલેક્ટરો અને પોલિસ પ્રમુખને મોકલાશે. આદેશમાં કહેવાયું છે કે નવા વર્ષની પૂર્વ સંધ્યાએ સમારોહ 10 વાગે રાતે બંધ કરવાના રહેશે. ઉત્સવ મનાવનારાઓએ માસ્ક, સોશ્યલ ડિસ્ટન્સિંગનું પાલન કરવાની સાથે સેનેટાઈઝેશનનો ખ્યાલ પણ રાખવાનો રહેશે. આ નિયમોનું પાલન કરવામાં વિફળ રહેનારા પર કાર્યવાહી કરાશે.
મહારાષ્ટ્ર
અહીં રાતે 11 વાગ્યાથી સવારે 6 વાગ્યા સુધી નાઈટ કર્ફ્યૂ રહેશે. ગૃહમંત્રીએ કહ્યું છે કે 31 ડિસેમ્બરે મહારાષ્ટ્રમાં 11 વાગ્યા સુધી બાર ખુલ્લા રહેશે. આ સિવાય સાર્વજનિક સ્થળોએ 5 લોકોથી વધારે લોકો ભેગા થઈ શકશે નહીં. આ સિવાય દવા ખરીદવા અને સંબંધીઓને મળવા માટે કર્ફ્યૂમાં રોકટોક નહીં રહે. 5થી વધારે લોકો ભેગા થવા પર કલમ 144 લાગૂ કરાશે. રેસ્ટોરાં, પબ, બાર, સમુદ્ર તટ, હોડીમાં કોઈ પણ પાર્ટીની પરમિશન અપાઈ નથી. ડ્રોનની મદદથી તમામ ગતિવિધિ પર નજર રખાશે.
કર્ણાટક
મહારાષ્ટ્રની સાથે સાથે કર્ણાટકમાં પણ નવા સ્ટ્રેનને લઈને શંકા વ્યક્ત થઈ રહી છે. કર્ણાટકની સરકારે પણ જાહેરાત કરી છે કે રાતે 11 વાગ્યાથી સવારે 5 વાગ્યા સુધી નાઈટ કર્ફ્યૂ રહેશે. આ કર્ફ્યૂ 1 જાન્યુઆરી સુધી રહેશે.
તમિલનાડુ
31 ડિસેમ્બર અને 1 જાન્યુઆરીએ તમિલનાડુમાં રેસ્ટોરાં, બીચ, ક્લબ અને પબ્સ તથા રિસોર્ટમાં પાર્ટી માટે પ્રતિબંધ છે. તમિલનાડુમાં કોઈ કર્ફ્યૂ જાહેર કરાયો નથી. આ જાન્યુઆરી પછી કોરોના ગાઈડ લાઈન્સ અનુસાર ક્લબ, રેસ્ટોરાંમાં કામ કરી શકાશે.
રાજસ્થાન
રાજસ્થાન સરકારે 31 ડિસેમ્બરે એ દરેક શહેરોમાં નાઈટ કર્ફ્યૂ જાહેર કર્યો છે જ્યાં 1 લાખથી વધારેની આબાદી છે. આ પ્રતિબંધ 31 ડિસેમ્બરે રાતે 8 વાગ્યાથી 1 જાન્યુઆરી સવારે 6 વાગ્યા સુધી રહેશે. રાજસ્થાનમાં ફટાકડા ફોડવા પર પણ પ્રતિબંધ રહેશે. આદેશ અનુસાર સાંજે 7 વાગ્યા બાદ બજાર બંધ રહેશે.
ઉત્તરાખંડ
દહેરાદૂન સરકારે હોટલ, બાર, રેસ્ટોરાં અને અન્ય સાર્વજનિક સ્થળોએ સામૂહિક પાર્ટીઓ ન કરવાનો આદેશ આપ્યો છે. ન્યૂ યર પર આ પ્રતિબંધ કાયમ રહેશે. સરકાર ઉલ્લંઘન કરનારને સજા આપશે. આ પ્રતિબંધ દહેરાદૂન, મસૂરી, ઋષિકેશમાં લાગૂ રહેશે.