મહામારી / વિશ્વને પહેલી વેક્સિન આપનાર દેશની સ્થિતિ બગાડી કોરોનાએ, 1 દિવસમાં 973 લોકોના મોત, રેકોર્ડબ્રેક કેસ

• રશિયામાં કોરોનાના કેસો અને મોતમાં રેકોર્ડબ્રેક વધારો
• મંગળવારે એક દિવસમાં રેકોર્ડ 973 લોકોના મોત 
• રશિયાએ દુનિયાને કોરોનાની પહેલી સ્પુતનિક વેક્સિનની ભેટ આપી છે

મહામારી શરુ થયા બાદ રશિયામાં રેકોર્ડબ્રેક સંખ્યામાં કેસો અને મોત થયા છે. મંગળવારે અહીં એક જ દિવસમાં કોરોનાથી 973 લોકોના મોત થતા સરકારની ચિંતા વધી છે.

મહામારી પછી પહેલી વાર રેકોર્ડબ્રેક મોત 

ખુદ પુતિન સરકારે સ્વીકાર કર્યો છે કે મહામારીની શરુઆત પછી અત્યાર સુધી કોરોનાને કારણે મરનાર લોકોની આ રેકોર્ડબ્રેક સંખ્યા છે. રશિયામાં આ  મહિનાની શરુઆતમાં કોરોનાના કેસોમાં ઝડપી વધારો થયો છે. મંગળવારે અહીં કોરોનાના 28,190 કેસો સામે આવ્યાં. 

દેશવ્યાપી લોકડાઉન લગાડવાનો પુતિન સરકારનો ઈન્કાર 

દેશમાં કોરોનાના કેસોમાં સતત વધારો થઈ રહ્યો હોવા છતાં પણ પુતિન સરકારે દેશવ્યાપી લોકડાઉન લગાડવાનો ઈન્કાર કર્યો છે. જોકે સરકાર કોરોનાના કડક નિયમોને લાગુ પાડવાની તરફેણમાં છે. 

COVID 19 update : 11th October 2021

By today 8pm, USA was on top of the Corona Virus graph with 45,207,570 cases arising from +3,197 new cases , UK with +40,224, Turkey with +30,563 new cases.

New Deaths
Russia +957
Iran +957
Ukraine +207
Romania +209 pic.twitter.com/whdPHLadZG

— Mawangwa Ibrahim (@mawangwa) October 11, 2021

જાહેર સ્થળોએ લોકો પર પ્રતિબંધ 

કેસો વધવાને કારણે સરકારે જાહેર સભાઓ, સમારોહ, થિએટર અને રેસ્ટોરન્ટ વગેરેમાં લોકોના જમાવડા પર પ્રતિબંધ મૂકી દીધો છે. જે લોકોએ વેક્સિનના બન્ને ડોઝ લીધા છે તેમની પર પણ પ્રતિબંધ છે. ‎રશિયાની રાજધાની મોસ્કો, સેન્ટ પીટર્સબર્ગ અને અન્ય શહેરોમાં સામાન્ય જીવન સામાન્ય છે. વ્યવસાયિક સંસ્થાઓ ખુલ્લી છે. પરંતુ આ બધા શહેરોમાં માસ્ક અને સોશિયલ ડિસ્ટન્સિંગના નિયમોનું કડકાઈથી પાલન કરાવાઈ રહ્યું છે.