VIDEO / કોરોનાની મહામારીમાં AMC આરોગ્ય વિભાગનો છબરડો : 2 વર્ષથી બંધ પડેલ હોસ્પિટલને કોવિડ ડેઝીગનેટેડ જાહેર કરી

• કોરોનાની મહામારીમાં AMC આરોગ્ય વિભાગનો છબરડો 
• 2 વર્ષથી બંધ પડેલ હોસ્પિટલને કોવિડ ડેઝીગનેટ જાહેર કરી
• અમદાવાદની સેટેલાઇટ હોસ્પિટલને બેડ સંપાદિત કર્યા 

કોરોનાની મહામારીમાં AMC આરોગ્ય વિભાગનો છબરડો સામે આવ્યો છે. 2 વર્ષથી બંધ પડેલ હોસ્પિટલને કોવિડ ડેઝીગનેટ જાહેર કરી છે. અમદાવાદની સેટેલાઇટ હોસ્પિટલને બેડ સંપાદિત કર્યા હતા. સેટેલાઇટ હોસ્પિટલ છેલ્લા બે વર્ષથી બંધ પડી છે. ખાતરી કર્યા વિના જ આરોગ્ય વિભાગે બેડ ફાળવી દીધા હતા. હોસ્પિટલ ને કોવિડ ના 25 બેડ ફાળવવામાં આવ્યા હતા. 

સળગતા સવાલ

• આરોગ્ય વિભાગની બેદરકારી સામે ગંભીર પ્રશ્નો 
• હોસ્પિટલ જ નથી ત્યાં બેડની ફાળવણી કેવી રીતે?
• શું આરોગ્ય વિભાગ અગાઉથી કોઇ જાતની ચકાસણી નથી કરતું?
• સંચાલકો સાથે વાત કર્યા વગર જ બેડ ફાળવી દેતા હશે? 
• હાલ હોસ્પિટલની જગ્યાએ બાંધકામ ચાલી રહ્યું છે

ગુજરાતમાં કોરોનાની સ્થિતિ

રાજ્ય સરકાર દ્વારા જાહેર કરવામાં આવેલ આંકડા પ્રમાણે રાજ્યમાં ગત 24 કલાકમાં કોરોનાના 4541 કેસ નોંધાયા છે અને 2280 દર્દીઓ સાજા થયાં છે. આ સાથે જ અત્યાર સુધીમાં 3,09,626 દર્દીઓ કોરોના મુક્ત થયાં છે. 

આજે 42 દર્દીઓના મોતથી ખળભળાટ

ઉલ્લેખનીય છે કે, આજે રાજ્યમાં 42 લોકોના સારવાર દરમિયાન મોત થયાં છે.આમ ગુજરાતમાં અત્યાર સુધીમાં 4697 લોકોના મોત કોરોનાને કારણે થયાં છે. ગઇકાલ કરતા આજે કોરોનાના કેસમાં ચિંતાજનક ઉછાળો નોંધાયો છે તો સાથોસાથ મૃત્યુનો આંકડો પણ દિવસેને દિવસે વધી રહ્યો છે. રાજ્યમાં હાલ 187 લોકો વેન્ટિલેટર પર છે. એક્ટિવ કેસનો આંકડો 22,692 પર પહોંચ્યો છે.

એક સમયે આખા ગુજરાતમાં નહોતા આવતા એટલા કોરોનાના કેસ માત્ર અમદાવાદમાં

નોંધનીય છે કે, કોરોનાની બીજી લહેરની શરૂઆતમાં સમગ્ર રાજ્યમાં 200-300 કેસથી થઇ હતી, તો એક્ટિવ કેસનો આંકડો પણ 1000 આસપાસ આવી પહોંચ્યો હતો પરંતુ ત્યારબાદ સ્થિતિ વણસણતા મહાનગરોમાં અમદાવાદ અને સુરતની સ્થિતિ વધુ કફોડી છે. ગણતરીના દિવસો પહેલા સમગ્ર રાજ્યમાં જેટલા કેસ નોઁધાતા હતા તેટલા કેસ આજે માત્ર અમદાવાદમાં નોંધાયા છે. 

સુરત અને અમદાવાદમાં કોરોના બેકાબૂ 

સ્થાનિક સ્વરાજ્યની ચૂંટણી બાદ ફરી કોરોનાએ માથું ઉચક્યું છે. કોરોનાના કેસમાં સતત વધારો થતા ચિંતા વધી છે. અમદાવાદ શહેરમાં રાજ્યના સૌથી વધુ 1296 કેસ અને ગ્રામ્યમાં 20 નવા કેસ નોંધાયા છે. જ્યારે સુરત શહેરમાં 891 નવા કેસ, જ્યારે સુરત ગ્રામ્યમાં 213 કેસ નોંધાયા છે. વડોદરા શહેરમાં 265 કેસ, જ્યારે ગ્રામ્યમાં 141 કેસ નોંધાયા. રાજકોટ શહેરમાં 340 કેસ અને ગ્રામ્યમાં 70 કેસ નોંધાયા છે.

 ત્યારે જાણો 24 કલાક દરમિયાન રાજ્યના તમામ જિલ્લામાં નોંધાયેલ કેસની વિગત...