કોરોના વાયરસ / દેશમાં એક્ટિવ કેસની સંખ્યા 5 મહિનામાં સૌથી ઓછી, જાણો શું છે દેશમાં કોરોનાની સ્થિતિ

• 150 દિવસ બાદ દેશમાં કોરોનાના સક્રિય દર્દીઓની સંખ્યા ઓછી થઈ
•  2 દિવસ બાદ દેશના રસીકરણમાં થોડોક ઘટાડો જોવા મળ્યો
• કોરોના વાયરસના વેરિએન્ટ હવામાં પોતાને ફેલાવીને પોતાને મજબૂત કરી રહ્યો છે

150 દિવસ બાદ દેશમાં કોરોનાના સક્રિય દર્દીઓની સંખ્યા ઓછી થઈ

દેશમાં કોરોના વાયરસના દર્દીઓની સંખ્યા રોજ પહેલા કરતા ઓછી આવી રહી છે. રોજ થનારી મોત પણ ઘટી છે. 24 કલાકમાં મા6 26, 115 નવા કેસ નોંધાયા છે. આ ઉપરંત 34, 469 લોકો સાજા થયા છે. આ સાથે એક્ટિવ કેસમાં ઘટાડો નોંધાયો છે.  આ દરમિયાન કોરોનાના સક્રિય મામલાની સંખ્યા પણ ગત 5 મહિનામાં સૌથી ઓછી થઈ ગઈ છે. લગભગ 150 દિવસ બાદ દેશમાં કોરોનાના સક્રિય દર્દીઓની સંખ્યા ઓછી થઈને 3, 18, 181 થઈ ગઈ છે. આની સાથે હવે ભારતમાં કોરોનાના સક્રિય દર પણ ઘટીને 0.95 થઈ ગઈ છે. દેશમાં કોરોનાના રિકવરી રેટ પણ વધ્યા છે. હવે આ 97.72 ટકા થયા છે.

 2 દિવસ બાદ દેશના રસીકરણમાં થોડોક ઘટાડો જોવા મળ્યો

જો કે હવે પણ કેરળ સહિત કેટલાક રાજ્યોમાં સતત મોટી સંખ્યામાં કોરોનાના દર્દી સામે આવી રહ્યા છે. તેનાથી ચિંતાની સ્થિતિ બનેલી છે. હવે 2 દિવસ બાદ દેશમાં રસીકરણમાં થોડોક ઘટાડો જોવા મળી રહ્યો છે. 17 સપ્ટેમ્બરે પીએમ મોદીના જન્મદિવસ પર દેશમાં 2.51 કરોડથી વધારે રસીકરણ થયું હતુ., પરંતુ આ બાદ શનિવારે અને રવિવારે રસીકરણનો આ આંકડો ઘણો ઓછો થઈ ગયો છે.  શનિવારે દેશમાં 88.37 લાખ લોકોને રસી લગાવવામાં આવી તો રવિવારે આ આંકડો ઓછો થઈને 37 લાખ થઈ ગયો. જો કે હવે દેશમાં રસીકરણનો કુલ આંકડો વધીને 81 કરોડ થઈ ગયો છે. જેમાંથી 20. 44 કરોડ લોકોને રસીના બન્ને ડોઝ લાગી ગયા છે.   

કોરોના વાયરસના વેરિએન્ટ હવામાં પોતાને ફેલાવીને પોતાને મજબૂત કરી રહ્યો છે

ત્યારે કોરોનાને લઈને ચોંકાવનારી શોધ થઈ છે. અમેરિકાના મેરીલેન્ડ યૂનિવર્સિટીના શોધકર્ચાઓએ કહ્યું કે કોરોના વાયરસના વેરિએન્ટ હવામાં પોતાને ફેલાવીને પોતાને મજબૂત કરવાની સાથે વેરિએન્ટ પણ વધારી રહ્યા છે.  આનાથી લોકોને કોરોના સંક્રમણનું સંકટ પહેલા કરત પણ વધારે છે. શોધકર્તાઓએ કહ્યુ કે ફેસ માસ્ક અને વેન્ટિલેશનની સુચારુ વ્યવસ્થાથી આનાથી બચી શકાય છે.