રાજ્યમાં કોરોના વાયરસના પગલે લોકડાઉનનો કડક અમલ કરાવામાં આવી રહ્યો છે. ત્યારે રાજ્યમાં લોકડાઉનની વચ્ચે લોકોને પાસ ઇશ્યુ કરવામાં આવે છે. ત્યારે સુરત શહેરમાં કલેકટર કચેરીની ગંભીર બેદરકારી સામે આવી છે. લોકડાઉન દરમિયાન ઇશ્યૂ કરાયેલા પાસની કોપી ઝડપાઇ છે.
સુરતમાં કલેકટર કચેરીની ગંભીર બેદરકારી
લીંબાયત વિસ્તારમાંથી પુણા પોલીસે 2ને ઝડપ્યા
પાસ કોઇ જાતના નામ વિના ઇશ્યૂ થતા હોવાની ચર્ચા
કોરોના વાયરસની મહામારી વચ્ચે જાહેર કરાયેલા લોકડાઉન દરમિયાન આવશ્યક સેવાને લઇને તંત્ર દ્વારા પાસ ઇશ્યુ કરવામાં આવે છે. ત્યારે સુરત કલેકટર કચેરીની ગંભીર બેદરકારી સામે આવી છે. લોકડાઉન દરમિયાન આવશ્યક સેવાના ડુપ્લીકેટ પાસ સાથે બે ઝડપાયા છે.
સુરત શહેરના લિંબાયત વિસ્તારમાંથી પુણા પોલીસે બે લોકોની ધરપકડ કરી છે. આ પાસ લોકડાઉન દરમિયાન આવશ્યક સેવા માટેના હતા. જો કે આ પાસ કોઇ પણ જાતના નામ વિના ઇશ્યુ થચી હોવાની ચર્ચાએ જોર પકડ્યું છે.
સૂત્રો ને મળતી જાણકારી મુજબ સુરત કલેકટર કચેરીએથી આવશ્યક સેવા વસ્તુના પાસ વગ ધરાવતા લોકોને કોરા મળી રહેતા હોવાનો આક્ષેપ કરવામાં આવ્યો છે.
સુરત કલેકટર કચેરી ખાતેથી પાસની કલર પ્રિન્ટની કોપી કાઢી આપવામાં આવતી હતી. આમ લિંબાયત વિસ્તારમાંથી પુણા પોલીસે બે આરોપીની ધરપકડ કરી છે.