મોટી રાહત / ત્રીજી લહેર વચ્ચે આવ્યા રાહતના સમાચાર, દૈનિક કેસોમાં ઘટાડા સાથે મોતના આંકડા પણ ઘટ્યા

• દેશમાં ઘટી રહ્યું છે કોરોનાનું સંક્રમણ
• સ્થિતીમાં થઈ રહ્યો છે સુધારો
• મોતનો આંકડો પણ ઘટ્યો

ભારતમાં કોરોના સંક્રમણ મામલામાં સતત ઘટાડો થઈ રહ્યો છે. દેશમાં ત્રીજી લહેર આવતા બગડેલી સ્થિતીમાં ધીમે ધીમે સુધારો આવી રહ્યો છે. આંકડા મુજબ આજે દેશભરમાં સંક્રમણના 44,877 નવા કેસો સામે આવ્યા છે. જે બાદ કોરોનાના કુલ કેસોની સંખ્યા 4,26,31,421 થઈ ગઈ છે. જ્યારે છેલ્લા 24 કલાક દરમિયાન 684 દર્દીઓના મોત બાદ સંક્રમણથી મરનારા લોકોનો કુલ આંક 5,08,665 પર પહોંચી ગયા છે. કેન્દ્રીય સ્વાસ્થ્ય મંત્રાલયે જણાવ્યું હતું કે, દેશમાં કોરોના વાયરસના એક્ટિવ કેસની સંખ્યા ઘટીને 5.37 લાખ થઈ ગયા છે.

 

India reports 44,877 new COVID19 cases in the last 24 hours; Active case tally stands at 5,37,045, daily positivity rate at 3.17% pic.twitter.com/1jtcSLlNCx

— ANI (@ANI) February 13, 2022

દેશભરમાં રિકવરી રેટ વધ્યો

મંત્રાલયના જણાવ્યા અનુસાર છેલ્લા 24 કલાકમાં દેશભરમાં સંક્રમણથી 1,17,591 લોકો સાજા થઈ ગયા છે. જે બાદ કોરોનાથી અત્યાર સુધીમાં સાજા થનારાની સંખ્યા  4,15,85,711 થઈ ગઈ છે. તો વળી એક્ટિવ કેસની સંખ્યા હાલમાં 5,37,045 થઈ ગઈ છે. જે કુલ કેસના 1.26 ટકા છે. દૈનિક પોઝિટિવિટી રેટ 3.17 ટકા છે. જ્યારે વિકલી પોઝિટિવિટી રેટ 4.16 ટકા છે. દેશમાં રિકવરી રેટ હવે 97.55 ટકા થઈ ગયો છે.

છેલ્લા 24 કલાકમાં લગાવી 49 લાખ વેક્સિન

આ તમામની વચ્ચે ઈંડિયન કાઉંસિલ ઓફ મેડિકલ રિસર્ચે જણાવ્યું હતું કે, દેશમાં શનિવારે કોરોના વાયરસ માટે 14,15,279 સેમ્પલ ટેસ્ટ કરવામાં આવ્યા, જે બાદ દેશમાં સેમ્પલ ટેસ્ટીંગનો આંકડો હવે 75.07 થઈ ગયો છે. સ્વાસ્થ્ય મંત્રાલયના જણાવ્યા અનુસાર સમગ્ર દેશમાં અત્યાર સુધીામાં 172.81 કરોડ વેક્સિન ડોઝ લગાવામાં આવ્યા છે. બુધવારે 49,16,801 લાખથી વધારે લોકોને વેક્સિનના ડોઝ આપવામાં આવ્યા. નવા આંકડા અનુસાર ભારતમાં કુલ વેક્સિનેશન આંકડા અત્યાર સુધીમાં 1,72,81,49,447 થઈ ગયા છે.