કોરોના વાયરસથી ચીનની અર્થવ્યવસ્થાને મોટો ફટકો સહન કરવો પડ્યો છે. 30 દિવસમાં ચીનને 30 લાખ કરોડ રૂપિયાનું નુકસાન થયું છે. ચીનમાં 30 વર્ષમાં આર્થિક સ્થિતિ હાલમાં સૌથી નીચા સ્તરે પહોંચી છે. 2020માં હાલ સુધી ચીનની કરંસી 1.2 ટકા નબળી પડી છે. શેરબજારમાં પણ 1 મહિનામાં રોકાણ કારોના 42 હજાર કરોડ ડોલર ડૂબી ચૂક્યા છે.
કોરોના વાયરસથી ચીનની અર્થવ્યવસ્થાનો મોટો ફટકો
30 દિવસમાં ચીનને 30 લાખ કરોડનુ નુકશાન
ચીનમાં 30 વર્ષમાં આર્થિક સ્થિતિ સૌથી નીચા સ્તરે
અમેરિકાની સાથે ટ્રેડ વોરની કારણે ચીની ફેક્ટ્રીઓ દબાવમાં છે અને કોરોના વાયરસે તેમને મોટો ઝટકો આપ્યો છે. છેલ્લા 30 દિવસમાં ચીનની શેરબજારમાં રોકાણકારોના 42000 કરોડ ડોલર ડૂબી ગયા છે. નવા વર્ષની શરૂઆતથી જ ચીનના શેરબજારમાં ભારે કડાકો જોવા મળી રહ્યો છે.
9 ટકા સુધી ઘટ્યું શેરબજાર
આ સમયે શેરબજાર 9 ટકા સુધી ઘટ્યું છે. ચીનની કરંસી યુઆન વર્ષ 2020માં હાલ સુધી 1.2 ટકા ઘટી છે. ચીનના કેન્દ્રીય બેંકે કહયું છે કે તેઓ સ્થિતિનો સામનો કરવા માટે 174 અરબ ડોલર આપશે.
30 વર્ષના નીચા સ્તરે રહ્યો કંપનીઓનો પ્રોફિટ
ચીનમાં ઓદ્યોગિક ફાયદો 3.3 ટકા ઘટીને 897 અરબ ડોલરનો થયો છે. આ 2015ના પછીનું સૌથી મોટું નુકસાન છે. આ આંકડા ડિસેમ્બર 2019 સુધીના છે. કોરોનાવયારસનો આતંક એટલો છવાયો છે કે બજાર પર તેની ગંભીર અસરો જોવા મળી રહી છે. સોમવારે શાંઘાઈ સ્ટોક એક્સચેન્જમાં 2015 પછીની સૌથી મોટી ખાદ્ય છે. ઉલ્લેખનીય છે કે સોમવારે બજાર 8 ટકાના ઘટાડા સાથે બંધ થતાં તે છેલ્લા 5 વર્ષનું મોટું નુકસાન છે.
કોરોનાવાયરસ છે ઘટાડાનું મુખ્ય કારણ
બજારમાં નુકસાનનું મુખ્ય કારણ કોરોના વાયરસ છે. શાંઘાઈ કમ્પોઝિટ ઈન્ડેક્સ 229.92 અંક એટલે કે 7.72 ટકા ઘટ્યો છે. ત્યારબાદ તે 2746.61 અંક પર પહોંચ્યો હતો. સાથે જ શેનઝેન કમ્પોઝિટ્સ ઈન્ડેક્સ 8.41 ટાકા એટલે કે 147.81 અંક ગગડ્યો હતો. ત્યારબાદ તે 1609 અંક પર બંધ થયો હતો.
ચીનમાં કોરોના વાયરસને લઇને હાહાકાર
ચીનમાં કોરોના વાયરસથી વધુ 75 લોકોના મોત નીપજ્યા છે. અત્યાર સુધીમાં ચીનમાં કુલ 425 લોકોના મોત થયા છે. ચીનમાં કોરોના વાયરસના 2345 કેસ સામે આવ્યા છે. કોરોના વાયરસથી હુબેઈ શહેર સૌથી વધુ પ્રભાવિત રહ્યું છે.