કોરોના વાયરસના સંકટને જોતા જરુરિયાતને ધ્યાનમાં રાખીને ભારત પર્સનલ પ્રોટેક્શન ઈક્વિપમેન્ટ (PPEs) કિટ્સ, N95 માસ્ક અને વેન્ટિલેટ્સની આયાત પર ધ્યાન આપવાનું શરુ કરી દીધું છે. આ ઉપરાંત દેશમાં ખાનગી ઉદ્ધમોના સહકારથી ઘરેલું ઉત્પાદન વધારવા માટે કમર કસી છે. ત્યારે ભારત ચીન પાસેથી કોરોના ટેસ્ટિંગ કિટ નહીં મંગાવે.
જરુરી મેડિકલ સાધનોની આયાત કરવાની ભારતે તૈયારી કરી
સરકારે ઘરેલુ ઉત્પાદન વધારવા પર ભાર મુક્યો
દેશમાં જ 30 હજાર વેન્ટિલેટર્સ બનાવવાની તૈયારી
ભારત PPEs, વેન્ટિલેટર્સ ચીનથી મંગાવવાની તૈયારી કરી રહ્યું છે પરંતુ ટેસ્ટિંગ કિટ્સને લઈને હજું કોઈ સ્પષ્ટતા નથી. ઉલ્લેખનીય છે કે સ્પેન, યૂક્રેન જેવા દેશોમાં ચીને જે ટેસ્ટિંગ કિટ મોકલી છે. તેમના ખામી હોવાની ફરિયાદો આવી છે. ઉલ્લેખનીય છે કે વેન્ટિલેટર્સ માટે પણ ભારતીય ઉત્પાદકો સાથે સંપર્ક કર્યો છે. ચીનમાંથી 10 હજાર વેન્ટિલેટર્સ મંગાવવા માટે ચીનના સપ્લાયર્સને સંપર્ક કરવામાં આવી રહ્યો છે.
કેન્દ્રીય સ્વાસ્થ્ય અને પરિવાર ક્લ્યાણ મંત્રાલયના એક નિવેદનમાં કહેવામાં આવ્યું છે કે, ‘ભારતીય રેડક્રોસ સોસાયટીએ ચીનના 10 હજાર PPEs મંગાવ્યા છે. જેની ડિલિવરી થયા બાદ તેની વહેંચણી કરવામાં આવશે. દાનમાં મળેલા 3 લાખ PPEs 4 એપ્રિલ સુધીમાં આવશે. આ ઉપરાંત 3 લાખ PPEsના ઓર્ડર ઓર્ડિનેસ ફેક્ટરિઓને આપવામાં આવશે.
ભારતીય રેડ ક્રોસ સોસોયટીને ચીનના ચેરિટી સંગઠનો તરફથી દાનમાં મળેલા મેડિકલ સપ્લાઈઝની પહેલી બેચ નવી દિલ્હી પહોંચશે. આ જેકમાં ફાઉન્ડેશન અને અલીબાબા ફાઉન્ડેશન દ્વારા આપવામાં આવ્યા છે.
ઉલ્લેખનીય છે કે ભારતીય મંત્રાલયે આ સાધનોની પૂર્તિ માટે ઉચ્ચ શક્તિ પ્રાપ્ત ગ્રુપ બનાવ્યું છે. જેનું વિદેશ મંત્રાલય તરફથી એક માત્ર પ્રતિનિધિત્વ જોઈન્ટ સેક્રેટરી (પૂર્વ એશિયા) નવીન શ્રીવાસ્તવ કરી રહ્યા છે. આ ગ્રુપ જરુરી મેડિકલ સામાન જેવા કે PPEs, માસ્ક, ગ્લવ્સ અને વેન્ટિલેટર્સની ઉપલબ્ધતાની શક્યતાઓ, ઉત્પાદન અને વિતરણ જેવા તમામ પાસાનું ધ્યાન રાખશે.
વધારે સપ્લાય માટે ચીન અને અન્ય દક્ષિણ - પૂર્વ એશિયાઈ દેશો તરફ ભારતની નજર છે. PPEs કિટ્સ માટે સિંગાપુર અને દ.કોરિયા અન્ય વિદેશી સોર્સે છે. દ. કોરિયાના વિયેતનામ અને તુર્કી સ્થિત કંપનીઓ સાથે બનાવટ માટે ટાયઅપ છે.
ભારત સરકારે 10 લાખ PPEs કિટના સપ્લાય માટે સિંગાપુરને ઓર્ડર આપ્યો છે. બીજો સપ્લાય દ. કોરિયામાંથી થશે. એક દિવસમાં 1 લાખ PPEs કિટ બનાવવાન ક્ષમતા છે. ભારત સરકારે 20 લાખ કિટનો ઓર્ડર આપ્યો છે.
નોઈડામાં વેન્ટિલેટર્સ બનાવનારી કંપની અગ્વા હેલ્થકેયરને 10 હજાર વેન્ટિલેટર્સ બનાવવાનો ઓર્ડર આપવામાં આવ્યો છે. આ રીતે ભારત દેશમાં જ 30 હજાર વેન્ટિલેટર્સ બનાવવાની તૈયારી કરી રહ્યું છે.ઉલ્લેખનીય છે તે દવા કંપનીઓએ સરકારને આશ્વાસન આપ્યું છે કે સંકટ સમયે દવાઓની અછત નહી સર્જાવા દઈએ. સરકાર મેડિકલ સ્ટાફને કટોકટીના સમયને કેવી રીતે પહોંચી વળાય તે માટે ટ્રેઈન કરી રહી છે.