સહાય / આવતીકાલથી મળશે સરકારી અનાજ, કાર્ડ વગર પણ મળી રહેશે રાશનની ચીજો: ગુજરાત સરકાર

• સરકાર રાશનનું કરશે વિતરણ, 5 વસ્તુઓનું વિતરણ કરાશે
• 17 હજાર દુકાનમાં કરાશે વિતરણ, 66 લાખ કુટુંબને મળશે અનાજ
• કાર્ડ વગર પણ મળશે અનાજ

શું કહ્યુ CMO સચિવ અશ્વિની કુમારે?

લોકડાઉનના પગલે આવતીકાલથી રાજ્યના ગરીબોને અનાજનું વિતરણ કરવામાં આવશે. શ્રમિકોને મફતમાં અનાજની કીટ આપવામાં આવશે. આ માટે એક સમિતિની રચના કરવામાં આવી છે. જે વ્યવસ્થા પર દેખરેખ રાખશે. રેશનકાર્ડ ધારકોને ફોન કરીને બોલાવવામાં આવશે. દુકાનદાર અને કમિટી ભીડ ન થાય એટલા માટે 25-25ને ફોન કરીને બોલાવશે. આ ઉપરાંત જેમની પાસે રાશનકાર્ડ નથી તેમને 4થી તારીખથી અનાજ કીટનું વિતરણ કરવામાં આવશે. 

બુધવારથી ઘઉ, ચોખા, ખાંડ સહિત 5 વસ્તુઓનું વિતરણ કરાશે

કોરોનાના કહેર વચ્ચે સરકાર દ્વારા રાશનના વિતરણની જાહેરાત કરવામાં આવી છે.  ત્યારે હવે આ મામલે CMOના સચિવ અશ્વિની કુમારે નિવેદન આપ્યું છે કે, રાજ્યમાં બુધવારથી ઘઉ, ચોખા, ખાંડ સહિત 5 વસ્તુઓનું વિતરણ કરાશે.

1 એપ્રિલથી રાજ્યમાં 17 હજાર દુકાનમાં કરાશે વિતરણ

રાજ્યમાં 17 હજાર દુકાનમાં 66 લાખ કુટુંબને ઘઉં, ચોખા, દાળ, મીઠું, ખાંડનું વિતરણ કરાશે. આ દરમિયાન સોશિયલ ડિસ્ટન્સ જળવાઈ રહે તેની કાળજી રાખવામાં આવશે. સાથે જ જે લોકો પાસે કાર્ડ ન હોય તેમને પણ અનાજ અપાશે.

4 તારીખથી કાર્ડ વગરના લોકોને પણ અનાજ વિતરણ કરાશે 

4 તારીખથી કાર્ડ વગરના લોકોને પણ અનાજ વિતરણ કરાશે. રાશનની દુકાનમાં 25 કાર્ડ ધારકોને દિવસ દરમિયાન બોલાવવામાં આવશે. ટોકન પદ્ધતિ આધારે પુરવઠો આપવામાં આવશે. સાથે જ તંત્ર દ્વારા રાજ્યમાં તમામ ઘંટી ચાલુ રાખવામાં આવશે.