કાર્યવાહી / COVID 19: ખાનગી હોસ્પિટલો દ્વારા વસૂલાતી બેફામ ફી અંગે સરકાર રજૂ કરશે ગુજરાત હાઈકોર્ટમાં જવાબ

• કોરોના સંકટ વચ્ચે ખાનગી હોસ્પિટલો દ્વારા લેવાતા બમણા ચાર્જનો મામલો
• આજે રાજ્ય સરકાર હાઇકોર્ટમાં જવાબ રજૂ કરશે 
• ખાનગી હોસ્પિટલ માટે નક્કી કરેલ ફીની યાદી રજૂ કરશે 

કોરોના સંકટ વચ્ચે ખાનગી હોસ્પિટલો દ્વારા લેવામાં આવતી બેફામ ફી મામલે આજે રાજ્ય સરકાર ગુજરાત હાઈકોર્ટમાં પોતાનો જવાબ રજૂ કરશે.  ખાનગી હોસ્પિટલો દ્વારા કોરોના સંકટ દરમિયાન ઉંચી ફી વસૂલવામાં આવતી હતી. જે મામલે ગુજરાત હાઈકોર્ટે પણ દરમિયાન ગીરી કરી હતી. અને ખાનગી હોસ્પિટલ દ્વારા લેવામાં આવતી બેફામ ફી પર પ્રતિબંધ લગાવ્યો હતો.

આ મામલે ગુજરાત સરકારને ખાનગી હોસ્પિટલની ફી નક્કી કરવા માટે આદેશ કર્યો હતો. આ સાથે જ કોર્ટે કહ્યું  હતું કે જો નફાવૃત્તિ થઈ રહી હોય તો હોસ્પિટલનું લાયસન્સ પણ રદ કરી શકો છો. જોકે હાલ તો હોસ્પિટલોની ફી મામલે રાજ્ય સરકાર આજે ગુજરાત હાઈકોર્ટમાં એક યાદી રજૂ કરશે. 

હાઈકોર્ટના આદેશ બાદ એક્શનમાં તંત્ર 

ઉલ્લેખનીય છે કે, ગુજરાત હાઇકોર્ટે કહ્યું હતું કે કોરોનાના દર્દીઓની સારવાર માટે બેફામ નાણા ઉઘરાવતી ખાનગી હોસ્પિટલો હવેથી લાખો રૂપિયાની ઉઘરાણી દર્દીઓ પાસેથી નહીં કરી શકે. આ સાથે હાઇકોર્ટે સરકારને આદેશ આપ્યો હતો કે, રાજ્ય સરકાર ખાનગી હોસ્પિટલો માટે વ્યાજબી ફી નિર્ધારિત કરે. હાઈકોર્ટે ખાનગી હોસ્પિટલને ચેતવતા કહ્યું કે ખાનગી હોસ્પિટલ નફો કમાવવાની વૃત્તિ રાખશે તો લાયસન્સ રદ્દ કરવામાં આવશે.

શું છે મામલો?

ગુજરાતમાં વધતા કોરોના વાયરસના કેસ વચ્ચે અમદાવાદ મનપાએ ખાનગી હોસ્પિટલમાં સારવારને લઇને મોટો નિર્ણય કર્યો હતો. તંત્રએ ખાનગી હોસ્પિટલમાં પણ સારવાર લેવા માટે મહત્તમ ફીના ધારાધોરણ નક્કી કરી લીધા છે. ખાનગી હોસ્પિટલો બેફામ લાખોના પેકેજથી કોરોનાની દવા કરીને દર્દીઓને લૂંટી ન શકે આ માટે હાઈકોર્ટના આદેશ બાદ તંત્ર સફાળુ જાગ્યુ હતુ અને નવી રૂપરેખા સાથે ખાનગી હોસ્પિટલો સાથે હાથ મિલાવીને 50:50ના આધારે ભાવ નક્કી કર્યા છે. એટલે કે કોઈ પણ ખાનગી હોસ્પિટલમાં 50 ટકા બેડ સરકારી રહેશે જેનો ખર્ચ સરકાર ભોગવશે, જ્યારે અન્ય 50 ટકા બેડ ખાનગી હોસ્પિટલ સરકારે નક્કી કરેલા ભાવ મુજબ વસૂલી શકશે. મહત્વનું છે કે એક દિવસ અગાઉ ગુજરાત હાઈકાર્ટે કોરોનાની સારવાર માટે ખાનગી હોસ્પિટલ્સ બેફામ ફી નહીં વસૂલી શકે તેવો નિર્ણય આપ્યો હતો.

કોને કોને ફટકારી નોટીસ?

1. સ્ટર્લિંગ હોસ્પિટલ, 
2. લાઇફ કેર, 
3. સરદાર હોસ્પિટલ 
4. બોડીલાઇન હોસ્પિટલ,
5. બોપલ ICU એન્ડ ટ્રોમા સેન્ટર 
6. શ્રેય હોસ્પિટલ, 
7. સરવસ્તી હોસ્પિટલ, 
8. સાલ હોસ્પિટલ 
9. રાજસ્થાન હોસ્પિટલ, 
10. SGVP હોસ્પિટલ, 
11. ગ્લોબલ હોસ્પિટલ 
12. સંજીવની હોસ્પિટલ,
13.  કર્ણાવતી સુપર સ્પેશ્યાલિટી હોસ્પિટલ 
14. સિંધુ હોસ્પિટલ, 
15. સ્ટાર હોસ્પિટલ, 
16. મેડિલિંક હોસ્પિટલ

નક્કી કરાયેલા ભાવ

* સરકારી બેડનો ખર્ચ સરકારી તંત્ર ચૂકવશે

શું છે શરતો?

• જોકે આ નક્કી કરેલ ફીમાં ડાયાલિસીસની કિંમત ઉમેરાશે નહીં, એક વખત ડાયાલિસીસ માટે 1650 Rs.ચૂકવવાના રહેશે
• આ સિવાય આ નક્કી કરેલ ફીમાં Tocilizumab દવા, સ્પેશિયાલિસ્ટ ડૉક્ટરની વિઝીટ, સ્પેશિયલિસ્ટ લેબ ટેસ્ટ ની ફી સામેલ કરવામાં આવેલ નથી. 
• ઉપર નક્કી કરવામાં આવેલ ફીમાં બે ટાઈમનું ભોજન, સવાર-સાંજની ચા અને નાસ્તો મળશે