બનાસકાંઠામાં કોંગ્રેસના નેતા હાર્દિક પટેલના સ્વાગત માટે સોશિયલ ડિસ્ટન્સિંગના ધજાગરા ઉઠ્યા હતા. નેતાઓને કોરોનાની મહામારી વિશે જાણ નથી કે તેઓ જાણવા માંગતા નથી તેવા સવાલ ઉઠ્યા હતા.
સોશિયલ ડિસ્ટન્સના ધજાગરા ઉડાડ્યા
મને જે જવાબદારી આપવામાં આવી છે તે મોટી છે: હાર્દિક પટેલ
તે જવાબદારી હું નીભાવિશ: હાર્દિક પટેલ
ગુજરાત કોંગ્રેસના કાર્યકારી અધ્યક્ષ હાર્દિક પટેલ આજે બનાસકાંઠા ની મુલાકાતે આવ્યા હતા. સૌ પ્રથમ અંબાજી ખાતે માં અંબાના દર્શન કરી કાર્યકરો સાથે મુલાકાત કરી હતી. ત્યારબાદ દાંતા ખાતે કાર્યકરોને મલી પાલનપુર આવી પહોંચ્યા હતા.
પાલનપુર જિલ્લા કોંગ્રેસ ભવન ખાતે કાર્યકરો દ્વારા હાર્દિક પટેલ નું સ્વાગત કરવામાં આવ્યું હતું. જોકે હાર્દિક પટેલના સ્વાગતમાં કોંગ્રેસ ના ધારાસભ્યો ની હાજરીમાં કોંગ્રેસ કાર્યકરો એ સોશિયલ ડિસ્ટન્સના ધજાગરા ઉડાડ્યા હતા. હાર્દિક પટેલ ના સ્વાગત માં કાર્યકરો એ કોઈ ડિસ્ટન્સ જાળવ્યું નહોતું. ટોળે વળી કાર્યકરો સ્વાગત કરતા જોવા મળ્યા હતા.
પત્રકાર પરિષદમાં હાર્દિક પટેલે તૂટતી કોગ્રેસ ને લઇ જણાવ્યું હતું કે કોંગ્રેસ કયારે તૂટી નથી. ભારતીય જનતા પાર્ટી હંમેશા કોંગ્રેસના ધારાસભ્યોને તોડવાનું કામ કરતી આવી છે. પાર્ટી માં એવા કપાત દીકરાઓ ઘણીવાર આવી જતા હોય છે. હવે કોઈ તૂટી ફૂટી જતાં હોય છે. પાર્ટી ને નુકશાન કરી જતા હોયછે. ત્યારે હવે જે જશે એને એ વિસ્તારની જનતા એના ઘરે જઈ હલ્લા પણ કરશે અને જવાબ પણ માગશે. મને જે જવાબદારી આપવામાં આવી છે તે મોટી છે. તે જવાબદારી હું નીભાવિશ.