ચીનના પૂર્વોત્તરના એક શહેરમાં રહેનારા લગભગ 8 હજાર લોકોને કોવિડ-19ના ક્લસ્ટર સંક્રમણ પછી ક્વોરેન્ટાઈન કરવામાં આવ્યા છે. ચીનમાં આ સ્થિતિ કોરોનાની બીજી લહેરની શંકાને વધારે મજબૂત બનાવી રહી છે.
શુ ચીનમાં કોરોનાની બીજી લહેર
ચીનમાં 8 હજાર લોકોને ક્વોરેન્ટાઈન કરવામાં આવ્યા
પરિક્ષણ માટે લાઈનમાં રહેલા લોકોમાં સોશિયલ ડિસ્ટન્સિંગનો અભાવ
ઉત્તર પૂર્વ ચીનના જિલિન પ્રાંતના શહેર શૂલાનમાં એક કપડા ધોનારી મહિલા સંક્રમિત થયા બાદ તેના દ્વારા 11 અન્ય લોકોમાં સંક્રમણ ફેલાયો હોવાથી આ કરવામાં આવ્યું છે. ત્યાંના સ્થાનિક અધિકારીઓનું કહેવું છે કે આ મામલામાં કોરોનાને કારણે આવનારું જોખમ નીચલા સ્તર પરથી વધીને મધ્યમ સ્તર પર થઈ ગયું છે.
મીડિયા રિપોર્ટ અનુસાર, જિલિનમાં ચાર કેસની ખરાઈ કરાઈ છે. ચીનની સરકારી એજન્સી શિન્હુઆએ જણાવ્યું છે કે શુક્રવાર સુધીમાં પ્રાંતમાં કુલ 121 સ્થાનીય લોકો સંક્રમિત હતા. જેમાંથી એકનું મોત નીપજ્યુ છે અને 92 લોકોને હોસ્પિટલમાંથી રજા અપાઈ છે.
શૂલાન શહેરમાં ખાતરી કરાયેલા મામલાને કરણે ન્યૂક્લિક એસિડ પરિક્ષણનો વિસ્તાર કરવામાં આવ્યો છે. ગુરુવારથી શુક્રવાર સુધી જિલિનમાં 13, 166 લોકોના ન્યૂક્લિક એસિડના નમૂના એકત્રિત કરવામાં આવ્યા છે અને 6, 195 પરિક્ષણ કરવામાં આવ્યા છે. ઉલ્લેખનીય છે કે ગત દિવસોમાં ચીનમાં કોરોનાના કેસમાં ઘટાડો નોંધાયો હતો. પરંતુ નવા કલ્ટસ્ટર સંક્રમણોએ સંક્રમણની બીજી લહેરની શંકાને હવા આપી છે.
રાષ્ટ્રીય સ્વાસ્થ્ય આયોગ(એનએચસી)એ શનિવારે નિવેદન આપ્યું કે ચીનમાં 15 મેએ કોરોનાના 8 નવા કેસની માહિતી મળી છે. વુહાન શહેરમાં મોટા પાયે તપાસ ચાલી રહી છે. શુક્રવારે સામે આવેલા 9કેસમાંથી 6 બહારથી આવેલા હતા. ઉલ્લેખનીય છે કે રોયટરના જણાવ્યાનુંસાર ક્લસ્ટર સંક્રમણ બાદ પરિક્ષણ માટે લાઈનમાં ઉભેલા લોકોમાં સામાજિક અંતર જાળવવામાં આવ્યું નથી.