દેશભરમાં કોરોના વાયરસને લઈને 21 દિવસનો લોકડાઉન કરવામાં આવ્યું છે. જેને લઇને ગુજરાતમાં લોકડાઉનનો પોલીસ દ્વારા કડક અમલ કરવામાં આવી રહ્યો છે. અમદાવાદ શહેર કમિશ્નરના આદેશ બાદ ખાનગી વાહનો પર પ્રતિબંધ મુકવામાં આવ્યો છે. ત્યારે પોલીસ ડ્રોન દ્વારા પણ સોસાયટીની અંદર તેમજ અગાસીમાં ભેગા થયેલા લોકો પર નજર રાખી રહ્યું છે. આમ પોલીસ દ્વારા લોકડાઉનને લઇને કડક પણે અમલ કરાવામાં આવી રહ્યો છે.
અમદાવાદમાં લોકડાઉનનું ભંગ કરનાર સામે પોલીસની કાર્યવાહી
ઓઢવ વિસ્તારમાં ધાબાપર જુગાર રમતા લોકો ઝડપાયાં
વસ્ત્રાપુરમાં કેરેમ રમતા લોકો પણ ડ્રોનથી ઝડપાયા
દેશભરમાં કોરોના વાયરસને લઈને 21 દિવસનો લોકડાઉન કરવામાં આવ્યું છે. ત્યારે અમદાવાદમાં લોકડાઉનનું ભગ કરનાર સામે પોલીસએ કાર્યવાહી કરી છે. ઓઢવ વિસ્તારમાં ધાબા પર જુગાર રમતા લોકો ઝડપાયા છે.
પોલીસને બાતની મળતા રેડી પાડીને સાત જુગારીઓની ધરપકડ કરી છે જ્યારે વસ્ત્રાપુરમાં કેરેમ રમતા લોકો પણ ડ્રોનથી ઝડપાયા છે. આમ સોસાયટી મહોલ્લા, પોળમાં એકઠા થયેલા લોકો સામે ગુનો નોંધવામાં આવે છે.
લોકડાઉન હોવા છતા અમદાવાદના અનેક વિસ્તારમાં લોકો બહાર ફરી રહ્યા છે ત્યારે હવે શહેર પોલીસ દ્વારા બિનજરૂરી બહાર નિકળતા લોકો સામે કાર્યવાહી કરવામાં આવી રહી છે. શહેરના સુભાષબ્રિજ પાસે પોલીસના ઉચ્ચ અધિકારીઓ તૈનાત કરવામાં આવ્યા છે. સુભાષબ્રિજ પાસે બિનજરૂરી કારણ વગર નિકળતા લોકોના વાહનોને પોલીસે ડિટેઈન કર્યા છે.
અમદાવાદમાં કોરોનાના કેસમાં સતત વધારો થઇ રહ્યો છે. જેને લઇ હવે પોલીસ પણ ચુસ્ત થઇ ગઇ છે. હાલ નારોલ ચોકડી પાસે ગામડામાંથી આવતા લોકોને પરત મોકલવામાં આવ્યા છે. પોલીસ દ્વારા વાહનોને ડિટેઇન કરવાની કાર્યવાહી કરી છે. ખાનગી વાહનોના અવરજવર પર પ્રતિબંધ મૂકાયો છે. જેને લઇ હાલ કામવિના બહાર નીકળતા લોકોના વાહનો ડિટેઇન કરવામાં આવ્યા છે.