ગુજરાતનું એક એવું ગામ જે સરકારને સરકારના નિયમો યાદ કરાવી રહ્યું છે. શહેર કરતા પણ ગ્રામ્ય વિસ્તારોમાં લોકો કેટલા સજાગ છે. તે પણ ખુદના દમ પર તે દર્શાવી રહ્યું છે. કારણ કે, કરોડો રૂપિયાના તાયફા છતાં સરકાર શહેરોમાં કોરોનાનાં સંક્રમણને રોકી શકી નથી. લોકો પાસે નિયમોનું પાલન નથી કરાવી શકી. જ્યારે એક એવું ગામ છે જે ગામના દરેક વ્યક્તિને કોરોનાના નિયમોનું પાલન કરાવે છે.
ગામમાં 28 CCTV કેમેરા દ્વારા માસ્ક વગરના લોકોને દંડ
લોકોને માસ્કના 200 રૂપિયાનો દંડ ફટકારવામાં આવી રહ્યો છે
વડોદરાના અંકોડીયા ગામનો કોરોના સંક્રમણમાં કેવી રીતે બચાવ થાય તેને લઈને નવતર પ્રયોગ હાથ ધરવામાં આવ્યો છે. કોરોના વાયરસને નાથવા ગામના 28 સીસીટીવી કેમેરાનો સદઉપયોગ કરવામાં આવી રહ્યો છે. કેમેરાથી ગામમાં માસ્ક ન પહેરનારા લોકો પર નજર રાખવામાં આવી રહી છે. સાથે સોશિયલ ડિસ્ટન્સના જાળવે તો માઈકમાં એનાઉન્સમેન્ટ કરવામાં આવી રહ્યું છે. માસ્ક ન પહેરનારા લોકો માટે 200 રૂપિયા દંડ નક્કી કરવામાં આવી રહ્યો છે.
અત્યાર સુધી માસ્ક ન પહેરનાર શાકભાજીના ફેરિયા સહિત કેટલાક લોકોને 200 રૂપિયાનો દંડ ફટકારવામાં આવ્યો છે. સામાન્ય રીતે શહેરીજનોમાં આવી જાગૃતતા જોવા નથી મળતી. જ્યારે અંકોડિયા ગામના લોકોમાં જાગૃતતા જોવા મળી હતી. જો આજ પ્રકારની જાગૃતતા અન્ય ગામડાઓ અને શહેરમાં જોવા મળે તો કોરોના સંક્રમણને નાથી શકાય.