સારા સમાચાર / ખુશખબર: કોરોનાને લઈ વૈજ્ઞાનિકોએ આપ્યા રાહતના સમચાર, જાણો શું માહિતી આપી

• કોરોના સંક્રમણને લઈ વૈજ્ઞાનિકોનો દાવો 
• કોરોનાની રિપ્રોડક્શન વેલ્યુ ઘટી 
• ઓગસ્ટની સરખામણીએ કોરોનાની રિપ્રોડક્શન વેલ્યુ ઓછી થઈ 

દેશમાં કોરોનાની ત્રીજી લહેરને લઈને લોકોમાં ભયનો માહોલ ફેલાયેલો છે. કારણકે બીજી લહેરમાં જે ઘાચતક પરિસ્થિતી સર્જાઈ હતી તેને લોકો હજુ પણ ભૂલી નથી શક્યા. ત્યારે આવા સમયે વૈજ્ઞાનિકો દ્વારા સારા સમાચાર આપવામાં આવી રહ્યા છે. જે સમાચાર વાંચીને તમે જરૂરથી હાંશકારો અનુભવશો. 

સપ્ટેમ્બરની રિપ્રોડક્શન વેલ્યું 0.92 

ચેન્નઈ ઈન્સ્ટીટ્યુટ ઓફ મેથેમેટિકલ સાયન્સના વૈત્રાનિક સિતાભર સિન્હાએ કહ્યું કોરોના વાયરસની રિપ્રોડક્શન વેલ્યુ હવે ઘટીને ઘણી ઓછી થઈ ગઈ છે. જો ગત ઓગસ્ટ મહિનાની વાત કરવામાં આવે તો કોરોનાની રિપ્રોડક્શન વેલ્યૂ એક હતી જે ઘટીને આ મહિનામાં 0.92 પહોચી ગઈ છે. 

ચાર રાજ્યોમાં રિપ્રોડક્શન વેલ્યુ 1 કરતા વધારે 

રિપ્રોડક્શન વેલ્યુનો ઘટવાનો મતલબ એ થાય છે કે કોરોના વાયરસનવું સંક્રમણ ફેલાતું હવે ઓછુ થઈ ગયું છે. જોકે વૈજ્ઞાનિકો દ્વારા કહેવામાં એ પણ કહેવામાં આવ્યું છે કે મુંબઈ, કલકત્તા , ચેન્નઈ અને બેંગલુરુમાં રિપ્રોડક્શન વેલ્યું એક કરતા વધારે છે. 

મહારાષ્ટ્ર અને કેરળમાં પણ વેલ્યુ ઓછી 

પુણે અને દિલ્હીમાં પણ આ પ્રોડક્શન વેલ્યુ ઘટીને ઓછી થઈ ગઈ છે. જોકે સાંભળીને તમને નવાઈ લાગશે કે મહારાષ્ટ્ર અને કેરળની કુલ રિપ્રોડક્શન વેલ્યુ પણ 1 કરતા ઓછી છે. પરંતુ આ બંને રાજ્યોમાં હાલ સૌથી વધારે કેસ નોંધાઈ રહ્યા છે. 

કોરોના હાલ કાબૂમાં 

ઉલ્લેખનીય છે કે એક વ્યક્તિ અન્ય કેટલા વ્યક્તિઓને સંક્રમિત કરે શકે છે તેના સર્વે પર રિપ્રોડક્શન વેલ્યુ નક્કી કરવામાં આવતી હોય છે. જેને લઈને વાયરસનું સંક્રમણ કેટલા પ્રમાણમાં ફેલાય છે તે પણ નક્કી કરવામાં આવે છે. ત્યારે હાલ રિપ્રોડક્શન વેલ્યુ ઘટતા રાહતની વાત એ છે કે કોરોના ઘણો કાબૂમાં છે.