કોવિડ 19 / કોરોના અપડેટ: આ દેશમાં લંબાવાયું લોકડાઉન, વધુ બે દેશમાં તૈયારી, બ્રાઝિલમાં વેક્સિન ટ્રાયલ રોકવામાં આવી 

• બ્રિટનમાં નવી સિસ્ટમ સાથે લોકડાઉન અમલી બનશે 
• ઈઝરાયેલમાં 18 ઓક્ટોબર સુધી લોકડાઉન લંબાવાયુ 
• બ્રાઝિલમાં અમેરિકી કંપનીની વેક્સિન ટ્રાયલને રોકવામાં આવી

બેન્જામિન નેતત્યાહુ સરકારે સ્પષ્ટ કરી દીધું છે કે ઇઝરાયલ માં લોકડાઉન હાલમાં હટાવવામાં નહીં આવે. સરકાર તરફથી જારી નિવેદનમાં કહેવાયું છે કે હાલમાં લોકડાઉન ૧૮ ઓક્ટોબર સુધી વધારવામાં આવ્યું છે. જો જરૂર પડશે તો તેને આગળ પણ વધારાશે. વડા પ્રધાન નેતન્યાહુએ થોડા દિવસ પહેલાં પણ કહ્યું હતું કે સ્થિતિ એવી નથી કે લોકડાઉનના નિયમોમાં ઢીલ આપી શકાય.

નવા નિયમોમાં અપાઈ છે થોડી રાહત  

ગયા શુક્રવારે એક સમીક્ષા બેઠક બોલાવાઇ હતી. જરૂરી સુવિધાઓમાં થોડી રાહત અપાઇ હતી. આ દરમિયાન ગ્રોસરી સ્ટોર્સ અને મેડિકલ સ્ટોર્સ ખુલ્લા રહેશે. કોઇ પણ વ્યક્તિ ઘરથી એક કિલોમીટર કરતાં વધુ દૂર નહીં જઇ શકે. ઓળખપત્ર સાથે રાખવું પડશે. 

અમેરિકી કંપની જોનસન એન્ડ જોનસને બ્રાઝિલ માં પોતાની વેક્સિન ટ્રાયલ હાલ પૂરતી રોકી દીધી છે. બ્રાઝિલિયન હેલ્થ એજન્સીએ ગઇ કાલે રાતે જારી કરેલા એક નિવેદનમાં  જણાવ્યું કે આ અંગે વધુ જાણકારી હાલમાં આપી શકાય તેમ નથી.  

બ્રિટેને તૈયાર કરી નવી યોજના

બ્રિટેન માં પ્રધાનમંત્રી બોરિસ જોનસન સરકારે દેશમાં સંક્રમણની બીજી લહેર સામે લડવાની નવી યોજના તૈયાર કરી છે. આ માટે ત્રણ લેયરવાળો એક પ્લાન તૈયાર કરાયો છે. તેને મીડિયમ, હાઇ અને વેરી હાઇ કેટેગરીમાં વહેંચવામાં આવ્યો છે. આ અંગે તેમણે કહ્યું હતું કે નવી સિસ્ટમનો હેતુ સમાજ અને આપણી જિંદગી પર પ્રતિબંધ લગાવ્યા સિવાય લોકોના જીવન બચાવવાનું છે. 

 તેમણે એક ટેલિવિઝન ન્યૂઝ કોન્ફરન્સ દરમિયાન કહ્યું હતું કે "આ આંકડા કોઈ પેસેન્જર જેટમાં ડેશબોર્ડ પરની ચેતવણીની જેમ અમારા માટે  ચમકતા હોય છે, અને આપણે હવે પગલાં ભરવા જોઈએ," 

જયારે કે છેલ્લા અમુક અઠવાડીયાથી ફ્રાંસમાં વધી રહેલા કોરોના કેસોને જોતા ફ્રાંસ પણ આ સાથે જ એક બીજા લોકડૌન તરફ ગતિ કરી રહ્યું હોય તેવા સંજોગો ઉભા થયા છે.