કોરોના સંકટ / લોકડાઉનમાં બિનજરૂરી બહાર નિકળતા લોકો સામે સુરતમાં પોલીસ અને રાજકોટમાં તંત્રની લાલ આંખ

• લોકડાઉન દરમિયાન બહાર  નિકળતા લોકો સામે પોલીસની કાર્યવાહી
• સુરતમાં બિનજરૂરી બહાર નીકળતા લોકો સામે કાર્યવાહી
• સૌરાષ્ટ્રમાં 3802 લોકો પાસેથી 17 લાખનો દંડ વસૂલવામાં આવ્યો

સુરતમાં બિનજરૂરી બહાર નીકળતા લોકો સામે કાર્યવાહી

કોરોનાને લઇને હાલ રાજ્યમાં લોકડાઉન જાહેર કરવામાં આવ્યું છે. જો કે તેમ છતાં લોકડાઉન દરમિયાન બિનજરૂરી બહાર નીકળતા હોય છે. જો કે પોલીસ દ્વારા લોકડાઉન દરમિયાન બહાર નિકળતા લોકો સામે કડક હાથે કાર્યવાહી હાથ ધરી છે. સુરત શહેરમાં છેલ્લા 4 દિવસમાં 4 હજારથી વધુ વાહનો જપ્ત કરવામાં આવ્યાં છે. 

શહેરમાં લોકો આવશ્યક ચીજ વસ્તુઓ ખરીદવાના બહાના કરીને લોકો બહાર નીકળતા હોવાનું સામે આવ્યું છે. જો કે આજ સવારથી પોલીસે તમામ ચાર રસ્તા પર કામગીરી શરૂ કરી છે. પોલીસ દ્વારા આજે પણ મોટી સંખ્યામાં લોકોને રોકવામાં આવે છે. 

રાજકોટમાં માસ્ક ન પહેરનાર સામે કડક કાર્યવાહી 

ગુજરાતમાં કોરોનાના કહેર વચ્ચે લોકડાઉનમાં લોકો બિનજરૂરી ઘરની બહાર નીકળતાં હોય છે. જો કે કોરોનાના વધતા કહેર વચ્ચે સરકાર દ્વારા સાવચેતી રૂપે માસ્ક પહેરાવનું ફરજિયાત કરવામાં આવ્યું છે. તેમ છતાં સૌરાષ્ટ્રમાંથી તંત્ર દ્વારા માસ્ક નહીં પહેરનારા 3802 લોકો પાસેથી 17 લાખનો દંડ વસૂલવામાં આવ્યો છે. રાજકોટમાં 14 દિવસમાં 1283 લોકો પાસેથી 12.83 લાખનો દંડ વસૂલવામાં આવ્યો છે. આમ માસ્ક ફરજિયાત હોવા છતાં બેદરકાર લોકો સામે મનપાએ કડક કાર્યવાહી કરી છે.