ચીનમાં કોરોના વાયરસનાં ડેલ્ટા સ્વરૂપનાં કેસ વધી રહ્યા છે. ચીનનાં પાટનગર બેઈજિંગ સહિત 15 શહેરમાં ડેલ્ટા વેરિયન્ટનાં કેસ સામે આવી રહ્યા છે.
ચીનમાં કોરોનાએ ફરી વધાર્યું ટેન્શન
ડેલ્ટા વેરિયન્ટનો 15 શહેરોમાં હાહાકાર
કેટલાક એરપોર્ટ બંધ કરી ફ્લાઇટ રદ્દ કરાઇ
ચીનમાં ફરીથી કોરોનાએ માર્યો ઊથલો
જે દેશમાંથી કોરોના વાયરસની શરૂઆત થઈ તે ચીન દ્વારા દાવાઓ કરવામાં આવે છે કે ત્યાં કોરોના વાયરસ કંટ્રોલમાં છે. આ સિવાય વેક્સિનને લઈને પણ મોટા મોટા દાવા કરવામાં આવે છે. જ્યાં એક તરફ આખા વિશ્વની જનતા વિવિધ પ્રતિબંધોનાં કારણે પરેશાન છે ત્યાં ચીનથી જોવા મળે છે લોકો આરામથી ફરી રહ્યા છે. જોકે હવે ફરીથી ચીનમાં કોરોના વાયરસનાં કેસો વધતાં ફફડાટ જોવા મળી રહ્યો છે.
ડેલ્ટા વેરિયન્ટનાં કારણે ડ્રેગન ફફડયું
ચીનમાં કોરોના વાયરસનાં ડેલ્ટા સ્વરૂપનાં કેસ વધી રહ્યા છે. ચીનનાં પાટનગર બેઈજિંગ સહિત 15 શહેરમાં ડેલ્ટા વેરિયન્ટનાં કેસ સામે આવી રહ્યા છે. ચીનનાં સરકારી મીડિયા અનુસાર વર્ષ 2019 બાદ વુહાનમાં વાયરસનો સૌથી મોટો પ્રકોપ જોવા મળી રહ્યો છે.
બીજિંગમાં 175 દિવસે અચાનક કેસ વધ્યા
15 શહેરોમાં કોરોના વાયરસનાં ડેલ્ટા વેરિયન્ટનાં કેસને જોતાં નાનજિંગ સિટીનાં એરપોર્ટને બંધ કરી દેવાના આદેશ આપવામાં આવ્યા છે. ચીનમાં અત્યારે પણ કેસ તુલનાત્મક દ્રષ્ટિએ ઓછા છે પરંતુ સરકારની ચિંતા વધી રહી છે કારણ કે બીજિંગમાં 175 દિવસ બાદ અચાનક આટલા બધા કેસ સામે આવ્યા છે. જોકે નોંધનીય છે કે આ જ શહેરમાં કમ્યુનિસ્ટ પાર્ટીએ શતાબ્દી મહોત્સવની ખૂબ મોટા પાયે ઉજવણી કરી હતી.
ચીનમાંથી જ શરૂ થયો હતો કોરોના વાયરસનો હાહાકાર
ચીનનાં આધિકારિક મીડિયા અહેવાલ અનુસાર ચીનમાં 40 ટકા વસ્તીને કોરોના વાયરસની રસીનાં ડોઝ આપી દેવામાં આવ્યા છે. નોંધનીય છે કે ચીનનાં વુહાનમાંથી જ વર્ષ 2019માં કોરોના વાયરસનો પહેલો કેસ સામે આવ્યો હતો જે બાદ આખી દુનિયામાં તબાહીનાં દ્રશ્યો જોવા મળ્યા હતા.