ચીનમાં કોરોના વાઇરસના કારણે મોટા ભાગની મોબાઇલ ઉત્પાદક કંપનીઓએ કામકાજ બંધ કરી દીધું છે. તેના કારણે ભારતમાં સ્માર્ટ ફોન અને ફીચર ફોનની કિંમત રૂ.૩,૦૦૦ સુધી વધી શકે છે.
સ્માર્ટફોનની કિંમતમાં રૂ.૩,૦૦૦ અને ફીચર ફોનમાં ૧૦ ટકા વધારો થશે
ચીનમાં કોરોના વાઇરસના કારણે મોટા ભાગની મોબાઇલ ઉત્પાદક કંપનીઓએ કામકાજ બંધ કરી દીધું છે
સ્માર્ટફોનની કિંમતમાં રૂ.૩,૦૦૦ અને ફીચર ફોનમાં ૧૦ ટકા વધારો થશે
માર્કેટ નિષ્ણાતોના જણાવ્યા અનુસાર આગામી ૧પ દિવસમાં સ્માર્ટ ફોન મેન્યુફેકચરિંગ કંપનીઓ કિંમત વધારી શકે છે. જેની સૌથી વધુ અસર ફિચર ફોન પર પડી શકે છે. એક ફીચર ફોન નિર્માતા કંપનીના જણાવ્યા અનુસાર ફીચર ફોનની કિંમત ૧૦ ટકા સુધી વધી શકે છે. એટલે કે રૂ.૧૦,૦૦૦ની કિંમતવાળા ફીચર ફોનની કિંમત રૂ.૧,૦૦૦ વધીને ૧૧,૦૦૦ થઇ શકે છે. જ્યારે સ્માર્ટફોનની કિંમતમાં છથી સાત ટકાનો વધારો થઇ શકે છે. રૂ.૪૦,૦૦૦ સુધીના સ્માર્ટફોનની કિંમત રૂ.૩,૦૦૦ સુધી વધી શકે છે. સ્માર્ટફોનની કિંમત આગામી ૧પ દિવસમાં વધશે તેવું માર્કેટ સૂત્રો જણાવે છે. ચીનથી ભારત આયાત થનાર સ્માર્ટફોનમાં એપલના આઇફોનનો સમાવેશ થાય છે.