IPLIN
 
  • Home
  • India
  • corona Vaccine 64 Heads Of Missions In India Arrive In Hyderabad.

વેક્સિન / આજે દુનિયા જોશે ભારતની તાકાત : વેક્સિનની શોધમાં 64 દેશોના રાજદૂત ભારતમાં, જાણો સમગ્ર કાર્યક્રમ

Team VTV 12:54 PM, 09 Dec 20
Follow us
corona Vaccine 64 Heads Of Missions In India Arrive In Hyderabad.

કોરોના વાયરસના કારણે કરોડો લોકો સંક્રમિત થયા છે અને લાખો લોકોએ વાયરસથી જીવ ગુમાવ્યા છે ત્યારે આ કહેર સામે લડવા માટે વિશ્વનાં ઘણા બધા દેશો હવે ભારત સામે આશાની નજરે જોઈ રહ્યા છે.  

  • કોરોના વાયરસની રસી બનાવવામાં ભારત વિશ્વના ઘણા દેશોથી આગળ 
  • વેક્સિનનું ઉત્પાદન કરવાની ભારતની ક્ષમતાને જોતા વિશ્વ ભારતના આંગણે 
  • વિશ્વના 64 દેશોના રાજદૂત હૈદરાબાદની મુલાકાતે 

ભારત બાયોટેકની રસીનું પૂરજોશમાં નિર્માણ

કોરોના વેક્સિનમાં ભારત વિશ્વમાં કેટલું આગળ છે તે માટે આ તસવીરો જ પૂરતી છે. બ્રિટનમાં કોરોના વેક્સિન આપવાની શરૂઆત પણ થઇ ગઈ છે પણ દુનિયાની નજર તો ભારત પર ટકેલી છે. દુનિયાના 64 દેશોના રાજદૂત આજે હૈદરાબાદ પહોંચ્યા છે. 

60થી વધુ દેશના રાજદૂતો ભારતની મુલાકાતે

ભારતમાં કોરોનાની રસીના વિકાસ માટે જે કામ થઇ રહ્યું છે તેને જોવા માટે હૈદરાબાદની લેબમાં આ રાજદૂતને લઇ જવામાં આવી રહ્યા છે. હૈદરાબાદમાં ભારત બાયોટેક વેક્સિન માટે કામ કરી રહ્યું છે અને જોન્સન એન્ડ જોન્સનની કોરોના વેક્સિનનું નિર્માણ પણ આ શહેરમાં કરવામાં આવી રહ્યું છે. 

વિશ્વને ભારતથી આશા 

નોંધનીય છે કોરોનાના હાહાકાર બાદ હવે દેશને ઓછી કિંમતમાં કોરોનાની રસીની તપાસ છે જે આપવાની ક્ષમતા ભારતમાં છે. આ જ કારણ છે કે આજે વિશ્વ એક આશાની નજરે ભારત સામે જોઈ રહ્યું છે. હૈદરાબાદ સિવાય તેમને બીજા શહેરોમાં પણ લઇ જવામાં આવશે. 

કેમ ભારત તરફ જોઈ રહ્યું છે વિશ્વ 

નોંધનીય છે કે ભારત વિશ્વનો સૌથી મોટો વેક્સિન ઉત્પાદન કરતો દેશ છે, ભારતમાં વિશ્વ માટે કરોડો રસીના ડોઝ તૈયાર કરવાની ક્ષમતા છે. આ સિવાય વેક્સિનના સ્ટોરેજ માટે પણ ભારત પાસે અભૂતપૂર્વ શક્તિઓ છે. એવામાં વેક્સિન ક્ષેત્રે ભારતની તાકાતને જોતા વિશ્વના ઘણા દેશોને ભારતથી ઘણી આશાઓ બંધાયેલી છે. એવામાં મહામારી સામે લડવામાં ભારત મહત્વની ભૂમિકા ભજવી રહ્યું છે.  

covaxin Corona Virus covid 19 Corona Virus vaccine
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ