કોરોના વાયરસ / કોરોનાના નવા કેસમાં સામાન્ય વધારો, એક્ટિવ કેસ 8 મહિનામાં સૌથી ઓછા, જાણો શું છે સ્થિતિ

• એક્ટિવ કેસની સંખ્યા 8 મહિનામાં સૌથી ઓછી 
• 24 કલાકમાં કોરોનાના 15,786 મામલા
• ગત 24 કલાકમાં 231 લોકોના મોત

એક્ટિવ કેસની સંખ્યા 8 મહિનામાં સૌથી ઓછી 

કોરોનાના કેસમાં ફરી સામાન્ય વધારો જાવા મળ્યો છે. તેમ છતાં એક્ટિવ કેસમાં ઘટાડો યથાવત છે.  ગત 24 કલાકમાં કોરોનાના 15,786 મામલા નોંધાયા છે. રાહતની વાત એ છે કે દેશમાં જેટલા લોકો દોર કોરોનાનો શિકાર બની રહ્યા તેનાથી વધારે લોકો સાજા થઈ રહ્યા છે. ગત 24 કલાકમાં 18, 641 લોકો સાજા થયા છે. આ ઉપરાંત દેશમાં એક્ટિવ કેસની સંખ્યા 8 મહિનામાં સૌથી ઓછી છે.

ગત 24 કલાકમાં 231 લોકોના મોત

કોરોનાથી મરનાર લોકોની વાત કરીએ તો ગત 24 કલાકમાં 231 લોકોએ કોરોનાના કારણે પોતાનો જીવ ગુમાવ્યો છે. જો કે દેશમાં હાલ એક્ટિવ કેસની સંખ્યા 1,75, 745 સુધી પહોંચી ગઈ છે. પરંતુ કોરોનાથી સાજા થનારા લોકોનો આંકડો સતત વધી રહ્યો છે. જે સારો છે. વર્તમાન જોઈએ તો કુલ 3,35, 14, 449 લોકો કોરોનાથી સાજા થઈ ચૂક્યા છે.

દૈનિક પોઝિટિવિટી દર ગત 53 દિવસોમાં 3 ટકાથી ઓછો

આ ઉપરાંત દેશનો દૈનિક અને સાપ્તાહિક પોઝિટિવિટી દર પણ ઓછો બનેલો છે. ગત 119 દિવસો માટે અઠવાડિક પોઝિટિવિટી દર (1.31ટા) 3 ટકાથી ઓછો બનેલો છે. ત્યારે દૈનિક પોઝિટિવિટી દર (1.19ટકા) ગત 53 દિવસોમાં 3 ટકાથી ઓછો છે. ઉલ્લેખનીય છે કે આ ઉપરાંત કોરોનાના મામલાની ઓળખ કરવા માટે દેશમાં મોટા સ્તર પર ટેસ્ટિંગ કરવામાં આવી રહ્યું છે.

અત્યાર સુધીમાં કુલ 100.59 રસી લગાવાઈ ચૂકી

કોરોના ટેસ્ટિંગની વાત કરીએ તો અત્યાર સુધીમાં દેશમાં 59.70 કરોડ ટેસ્ટ કરવામાં આવી ચૂક્યા છે. આ ઉપરાંત દેશભરમાં લોકોને વાયરસથી સુરક્ષા પ્રદાન કરવા માટે રસીકરણ અભિયાન ચલાવવામાં આવી રહ્યું છે. જે અંતર્ગત અત્યાર સુધીમાં કુલ 100.59 રસી લગાવાઈ ચૂકી છે.