BIG BREAKING / ઈટલીથી આવેલી ફ્લાઈટમાં બીજા દિવસે પણ કોરોના વિસ્ફોટ, 150 યાત્રી પોઝિટિવ

• પંજાબના અમૃતસરમાં કોરોના વિસ્ફોટ 
• ઈન્ટરનેશન એરપોર્ટ પર 150 મુસાફરો પોઝિટીવ 
• ઈટલીથી અમૃતસર આવી હતી ફલાઈટ 
• ગઈકાલે પણ 125 મુસાફરો પોઝિટીવ આવ્યા હતા 

પંજાબના અમૃતસરમાં આવેલ ઈન્ટરનેશનલ એરપોર્ટ પર આજે મોટો ધડાકો થયો છે. અહીયા ઈટલીથી એક ફ્લાઈટ આવી હતી જેમા 150 યાત્રીઓ પોઝિટીવ આવ્યા છે. નોઈસ એરલાઈનની કુલ ઉડાન 290 યાત્રિઓ સાથે હતી જેમાથી 150 જેટલા યાત્રીઓ પોઝિટીવ આવ્યા છે. ગતરોજ પણ ઈટલીથી જે ફ્લાઈટ આવી હતી તેમા 170 માંથી 125 યાત્રીઓ પોઝિટીવ આવ્યા હતા. 

છેલ્લા 24 કલાકમાં 302 લોકોના મોત 

કોરોના વાયરસના કેસ દેશમાં સતત વધી રહ્યા છે. છેલ્લા 24 કલાકમાં ભારતમાં 1 લાખ 17 કરતા પણ વધારે કેસ નોંધાયા છે. સાથેજ 302 લોકોના મોત પણ થયા છે. જેના કારણે લોકોમાં ભયનો માહોલ ફેલાયો છે. તેવામાં વિદેશમાં આવતા મુસાફરો પણ કોરોના પોઝિટિવ આવી રહ્યા છે. જેથી સંક્રમણ ફેલાવાનો ભય પણ વધતો જઈ રહ્યો છે. 

ઓમિક્રોન વેરિએંટ ચિંતાનો વિષય 

ઉલ્લેખનીય છે કે ખાસ કરીને જો ઓમિક્રોન વેરિએંટની વાત કરીએતો દેશમાં કુલ 3010 જેટલા ઓમિક્રોન વેરિએન્ટ નોંધાયા છે. મહારાષ્ટ્ર અને દિલ્હીમાં ઓમિક્રોનના કુલ 876 જેટલા અને 465 જેટલા કેસ નોંધાયા છે. જોકે સારી બાબત એ છે કે ઓમિક્રોનના 3010 પૈકી 1196 જેટલા દર્દીઓ રિકવર થઈ ગયા છે. તેમ છતા પણ ખતરો હજુ યથાવત છે.