કોરોના સંકટ / કોરોના સંક્રમિત કૃષિ મંત્રી રાઘવજી પટેલની તબિયત લથડી, યુ.એન.મહેતા હોસ્પિ.માં દાખલ

• કૃષિમંત્રી રાઘવજી પટેલની તબિયત લથડી
• યુ.એન.મહેતા હાર્ટ હોસ્પિટલમાં એડમિટ કરાયા 
• હોમ આઇસોલેશન દરમિયાન તલબિયત લથડતા અમદાવાદ લવાયા

કૃષિમંત્રી રાઘવજી પટેલની તબિયત લથડી

અમદાવાદ સહિત સમગ્ર રાજ્યમાં કોરોનાએ કહેર મચાવ્યો છે. ત્યારે એક મોટા સમાચાર સામે આવી રહ્યાં છે. કે, રાજ્યના કૃષિ મંત્રી રાઘવજી પટેલની તબિયત લથડતાં યુ.એન.મહેતા હાર્ટ હોસ્પિટલમાં એડમિટ કરવામાં આવ્યા છે. મહત્વનું છે કે, રાઘવજી પટેલ કોરોના સંક્રમિત થયા બાદ હોમ આઈસોલેટ થયા હતાં.ત્યારે આજે તેમની હોમ આઇસોલેશન દરમિયાન ચાલી રહેલી સારવાર દરમિયાન તલબિયત લથડતા અમદાવાદ લવાયા છે.  

આજરોજ મને કોરોનાના સામાન્ય લક્ષણો દેખાયા બાદ મેં કોરોના ટેસ્ટ કરાવ્યો અને મારો રિપોર્ટ પોઝિટિવ આવ્યો છે.

છેલ્લા થોડાક દિવસોમાં મારા સંપર્કમાં આવેલ તમામ મિત્રો, શુભેચ્છકોને સ્વેચ્છાએ સાવચેતીના ભાગરૂપે તાત્કાલિક ટેસ્ટ કરાવી લેવા વિનંતી કરું છું.

— Raghavji Patel (@RaghavjiPatel) January 23, 2022

રાઘવજી પટેલે ટ્વિટ કરીને કહ્યું હતું કે, તેઓ સંક્રમિત થયા 

ઉલ્લેખનીય છે કે, 4 દિવસ પહેલા રાજ્યના  કૃષિમંત્રી રાઘવજી પટેલને હળવા લક્ષણો દેખાતા તેમણે રિપોર્ટ કરાવ્યો હતો જે પોઝિટિવ આવતા તે આઈસોલેટ થયા છે. આની જાણકારી તેઓએ પોતાના ટ્વિટર પોસ્ટ શેર કરીને જાહેર કર્યું હતું. તેમજ સંપર્કમાં આવેલા તમામને ટેસ્ટ કરાવવા મંત્રીએ કરી અપીલ કરી હતી છે. ઉલ્લેખનીય છે કે, પહેલા સરકારના ગૃહ રાજ્યમંત્રી હર્ષ સંઘવી તેમજ મહેસૂલ મંત્રી રાજેન્દ્ર ત્રિવેદી પણ કોરોના ઝપેટામાં આવી ગયા હતા. જ્યારે ગઈ કાલે રાજ્ય કક્ષાના મંત્રી નિમિષા સુથારનો રિપોર્ટ પણ કોરોના પોઝિટીવ આવ્યો હતો