એલર્ટ / ગુજરાતમાં બિલ્લી પગે કોરોના વધ્યો: આજે નોંધાયેલા કેસે વધારી ચિંતા, 09 જિલ્લામાં ફરી દેખા દીધા, જુઓ ક્યાં કેટલા

• રાજ્યમાં કોરોનાના કેસોમાં વધારો
• અમદાવાદ શહેરમાં કોરોનાના નવા 12 નવા કેસ
• આરોગ્ય તંત્ર દ્વારા કામગીરીનો ધમધમાટ

ગુજરાતમાં મિશ્ર ઋતુની સ્થિતિમાં રોગચાળાના હાઉ વચ્ચે કોરોના ફરી ભૂરાયો થતો હોય તેવી સ્થિતિ જન્મી રહી છે.  કોરોના કેસમા ચિંતાજનક વધારો નોંધાઇ રહ્યો છે. જેને લઈને લોકોએ હોળી ધુળેટીના તહેવારોનો મણેલી મજા મોંઘી પડતી હોય તેવું લાગી રહ્યું છે. ગુજરાતમાં ફરી કોરોનાનું સંક્રમણ વધતા આરોગ્ય તંત્ર પણ દોડતું થયું છે તો લોકોમાં પણ ડરનો માહોલ જોવા મળી રહ્યો છે.

2 દર્દીઓની હાલત ગંભીર
આજે આરોગ્ય તંત્ર દ્વારા સતાવાર રીતે જાહેર કરાયેલી વિગત અનુસાર રાજ્યમાં 24 કલાકમાં કોરોનાના 30 નવા કેસ નોંધાયા છે. જેની સામે 24 કલાકમાં 6 દર્દીઓએ કોરોનાને હરાવતા તેઓને સાજાનરવા ડિસ્ચાર્જ કરાયા છે. જ્યારે રાજ્યમાં એક્ટિવ કેસની સંખ્યા 136 હોવાનું સત્તાવાર રીતે જાહેર થવા પામ્યું છે. સામે પક્ષે રાજ્યમાં 2 દર્દીઓની હાલત ગંભીર હોવાથી તેઓની વેન્ટિલેટર પર રાખી સારવાર ચાલી રહી છે.

આ શહેર, જિલ્લામાં નોંધાયા કેસ

જિલ્લા શહેર વાઇસ કોરોના કેસની વાત કરવામાં આવે તો અમદાવાદ શહેરમાં કોરોનાના નવા 12 નવા કેસ નોંધાતા તંત્રમાં હડકંપ મચી ગયો છે. તો અમરેલીમાં 6 નવા કેસ નોંધાયા છે. વધુમાં રાજકોટ કોર્પો.માં 2 નવા કેસ, સુરત શહેરમાં 2 નવા કોરોના કેસ અને વડોદરા શહેરમાં 2 નવા કેસ નોંધાયા છે. તો ગાંધીનગરમાં 1, જુનાગઢમાં 1 ,પોરબંદર, રાજકોટ ગ્રામ્ય અને સુરત ગ્રામ્યમાં તથા મહેસાણામાં 1 કેસ નોંધાયો છે.