- વિશ્વના કેટલાય દેશોમાં કોરોના વધ્યો
- ચોથી લહેર આવવાની શક્યતા
- ભારત માટે રાહતની વાત
ચીન અને યુરોપિય દેશોમાં કોરોના ફરીથી ઝડપથી વધી રહ્યો છે, જેને લઈને હવે ચોથી લહેર આશંકા વ્યક્ત કરાઈ રહી છે. કોરોનાના વધતાં કેસો મામલે ઓમિક્રોનના સબવેરિએન્ટ કારણ હોવાનું માનવામાં આવે છે. ઓમિક્રોનના સબ વેરિએન્ટ BA2 દક્ષિણ કોરિયામાં કોરોનાના કેસોમાં ભારે વધારો થયો છે. તો વળી બ્રિટેન અને કેટલાય અન્ય યુરોપિય દેશોમાં એક જ દિવસમાં 6 લાખથી વધારે કેસો સામે આવ્યા છે. જો કે, ભારતમાં હાલમાં નવી લહેર આવવાને લઈને ભારતીય નિષ્ણાંતો હાલમાં ચિંતિત નથી.
દુનિયાના કેટલાય ભાગોમાં આવી શકે છે ચોથી લહેર
એક્સપર્ટનું કહેવુ છે કે, ડિસેમ્બર 2021 અને ફેબ્રુઆરીની વચ્ચે આવેલી ત્રીજી લહેરના કારણએ લોકોની ઈમ્યુનિટી વધી ગઈ છે. સાથે જ દેશના કેટલાય રાજ્યોમાં વેક્સિનેશનનો દર ખૂબ જ વધ્યો છે. જો કે, સ્વાસ્થ્ય સેવાઓમાં પૂર્વ રાજ્ય મહાનિર્દેશક અને રાજ્ય સરકારના ટેકનિકલ સલાહકાર ડો. સુભાષ સાલુંખેએ કહ્યું કે, અમે અમારી તૈયારી ઓછી કરી શકીએ નહીં, કારણ કે, દુનિયાના અન્ય ભાગોની માફક ભારતમાં ચોથી લહેર આવી શકે છે. ડો. સુલાંખે કહ્યું કે, ચોથી લહેર વિશે ફક્ત એક વાત ખબર નથી કે, હકીકતમાં ક્યારે થશે અને કેટલીય ગંભીર હશે.
ઓમિક્રોનના 50થી વધારે મ્યૂટેશન
કોરોના વાયરસના ઓમિક્રોન વેરિએન્ટના 50થી વધારે મ્યૂટેશન થઈ ચુક્યા છે. તેનાથી દુનિયાભરમાં ખળભળાટ મચેલો હતો, જ્યારે નવેમ્બર 2021માં પહેલી વાર દક્ષિણ આફ્રિકામનાં તેની જાણ થઈ હતી. આ વેરિએન્ટ બહું વધારે સંક્રામક હતો. આ જ કારણે હોસ્પિટલમાં ભરતી થનારા લોકોની સંખ્યામાં વધારા સાથે મોટી સંખ્યામાં લોકોએ જીવ ખોવાનો વારો આવ્યો. એક્સપર્ટ કહે છે કે, વેક્સિનેશનના કારણે આ વેરિએન્ટ સ્થિતિમાં ખૂબ જ સુધારો થયો.
ઈઝરાયલમાં મળ્યો વેરિએન્ટ VoC નથી
મહારાષ્ટ્ર સરકારની કોવિડ ટાસ્ટ ફોર્સના સભ્ય ડો. શશાંક જોશીનું કહેવુ છે કે, દેશમાં ત્રીજી લહેરની શરૂઆતમાં ઓમિક્રોન કેબીએ 1 અને બીએ 2 બંને વેરિએન્ટ સામે આવ્યા હતા. ડો. જોશીએ કહ્યું કે, ભારતમાં કોવિડની નવી લહેરનો હાલમાં ભારતમાં કોઈ ખતરો નથી. ઈઝરાયલમાં મળેલો નવો વેરિએન્ટ વિશે એક નવી વીઓસી સામે નથી આવી, ત્યાં સુધી ડરવાનું કોઈ કારણ નથી. જો કે, આપણે માસ્ક પહેરવાનું બંધ ન કરવું જોઈએ. વૈજ્ઞાનિકોનું માનવું છે કે, એંટીબોડી ઓછી થવા પર SARSCoV-2 લોકોને ફરીથી સંક્રમિત કરી શકે છે.
