સમજાય તેને વંદન / સરકારી શાળામાં 'ધનવાન'નું ભણતર, કોરોનાએ બદલી નાખી ધનિક વાલીઓની માનસિકતા, આ જોઇને બીજા પણ પ્રેરાશે

• સરકારી શાળામાં `ધનવાન'નું ભણતર 
• દેખાદેખી છોડી માનસિકતા બદલો 

ટેકનોલોજીના આ જમાનામાં દરેક માતા પિતા પોતાના બાળકને ખાનગી સ્કૂલમાં ભણાવવા માગતા હોય છે.. પણ અમદાવાદના થલતેજ વિસ્તારમાં રહેતા અને ફેક્ટરી ધરાવતો એક પરિવાર પોતાના દીકરાને સરકારી સ્કૂલમાં અભ્યાસ કરાવી રહ્યો છે.. વિપુલ પનારા પોતાના દીકરા પ્રશન્નને સરકારી શાળામાં અભ્યાસ કરાવી રહ્યા છે.. પ્રશન્ન પહેલા ખાનગી શાળામાં અભ્યાસ કરતો હતો પણ બે વર્ષ પહેલા સરકારી શાલામાં ધોરણ 7માં એડમિશન લીધું હતું.. અને પરિવાર પણ સરકારી શાળાના અભ્યાસથી ખુશ છે..   

ખાનગી શાળાને કહ્યું 'ટાટા બાય બાય'
કોરોના સમયે ખાનગી શાળાઓ દ્વારા ઓનલાઈન શિક્ષણ શરૂ કરવામાં આવ્યું હતું.. પણ વિપુલ પનારા બાળકને મોબાઈલ આપવાના પક્ષમાં ન હતા.. તેમના મતે 3થી 4 કલાક મોબાઈલ પર શિક્ષણ મેળવવું અયોગ્ય હતું.. બીજી તરફ સરકારી શાળાના શિક્ષકો દ્વારા વિદ્યાર્થીઓને ફળિયામાં શિક્ષણ આપતા જોયા. જેથી તે સરકારી શાળા તરફ આકર્ષાયા અને એડમિશન પણ લીધું.. તેમના મતે સરકારી શાળામાં ઈતર પ્રવૃતિ પણ કરવવામાં આવે છે. જેથી પ્રશન્ને આગળ પણ સરકારી શાળામાં અભ્યાસ કરાવવાનો નિર્ણય કર્યો છે.       

અન્ય વાલીઓને પણ મળશે પ્રોત્સાહન
સરકારી શાળામાં અભ્યાસ બાદ પ્રશન્નને પણ શાળા પસંદ આવી ગઈ છે. સરકારી શાળા પ્રત્યેની માનસિકતા પણ બદલાઈ છે. તો આચાર્યએ પણ જણાવ્યું કો સરકારી શાળામાં હવે એડમિશન પણ વધુ લેવાઈ રહ્યા છે.  અમદાવાદ મનપા દ્વારા ખાનગી શાળાઓને ટ[ર મારે તેવી આધુનિક શાળાઓ બનાવવામાં આવી રહી છે. પરંતુ તેનું સંચાલન યોગ્ય થાય અને શિક્ષકો જવાબદારી સમજે તો સરકારી શાળા પ્રત્યે અન્ય વાલીઓ પણ આકર્ષાઈ શકો છે.