મોજે મોજ / કોરોનાની ગુજરાતમાંથી છુટ્ટી, નવા માત્ર 245 કેસ,આજથી અમદાવાદ અને બરોડા થયું રાત્રિ કર્ફ્યૂ મુક્ત

• ગુજરાતમાં કોરોનાના કેસમાં અસ્ત થવાને આરે
• આજે છેલ્લા 24 કલાકમાં 245 કેસ નોંધાયા

ગુજરાતમાં કોરોનાના આંકડો છેલ્લા 25 દિવસથી સતત ઘટી રહ્યો છે એક સપ્તાહ એવું હતું કે ત્રણેય લહેરના સૌથી વધુ કેસ ગુજરાતમાં નોંધાઈ રહ્યા હતા. પણ હવે છેલ્લા 24 કલાકમાં 245 કેસ કોરોના પોઝિટિવ આવ્યા છે. આજે સૌથી વધુ અમદાવાદ શહેરમાં 98 કેસ સામે આવ્યા છે જ્યારે સુરત શહેરમાં 04 કેસ તો રાજકોટ શહેરમાં 03 કેસ, વડોદરા શહેરમાં 18 કેસ સામે આવ્યા છે. ગાંધીનગર શહેરમાં 12 કેસ, ભાવનગર શહેરમાં 02 કેસ સામે આવ્યા છે. કોરોનાને લીધે 5 લોકોએ જીવ ગુમાવ્યો છે. જ્યારે 644 દર્દીઓ સાજા થઇ હેમખેમ ઘેર પરત ફર્યા છે. રાજ્યમાં કુલ એક્ટિવ કેસની સંખ્યા 2538 સુધી પહોંચી ગઈ છે. જ્યારે 33 દર્દીઓ વેન્ટિલેટર પર છે.

જિલ્લા પ્રમાણે કોરોના કેસ..

ગુજરાત આજથી રાત્રિ કર્ફ્યૂ મુક્ત
રાજ્ય સરકારે કોરોનાની નવી SOP જાહેર કરી છે. 6 મનપાને રાત્રિ કર્ફ્યુમાંથી મુક્તી અપાયા બાદ હવે અમદાવાદ અને બરોડામાં રાત્રિ કર્ફ્યૂમાંથી મુક્તિ આપી દેવામાં આવી છે.વેપારીઓને તકલીફ ન થાય તેને ધ્યાને રાખી નિર્ણય લેવાયો છે.

પુખ્ત વિચારણા બાદ ગૃહ વિભાગના તા.૧૭.૦૨.૨૦૨૨ના હુકમ ક્રમાંક: વિ ૧/કઅવ/૧૦૨૦૨૦/૪૮૨થી રાજયના ૨ મહાનગરો અમદાવાદ શહેર અને વડોદરા શહેરમાં અમલમાં મુકવામાં આવેલ રાત્રિ કર્યુ તા.૨૫.૨.૨૦૨૨થી દૂર કરવામાં આવે છે. સમગ્ર રાજયમાં નીચે મુજબના નિયંત્રણો તા.૨૫.૦૨.૨૦૨૨ થી તા.૦૧.૦૩.૨૦૨૨ સુધી અમલમાં રહેશે.