વિવાદ / ગુજરાતમાં 'જય શ્રી રામ' બોલવું ગુનો? વાપીની સેન્ટ મેરી સ્કૂલે વિદ્યાર્થી સાથે કર્યું એવું કે જાણીને આવી જશે ગુસ્સો

વાપીના ચણોદ ગામે આવેલી સેન્ટ મેરી સ્કૂલ ભારે વિવાદમાં આવી છે. કારણ કે, સ્કૂલમાં વિદ્યાર્થીઓએ 'જય શ્રી રામ' બોલાવતા બાળકોને માફી માંગવી પડી હતી. તેમજ સ્કૂલ સંચાલકોએ 2 બાળકો પાસે માફીનામું લખાવ્યું હતું. આથી આ વિવાદ વધુ વિકર્યો છે. જેમાં સ્કૂલ સંચાલકો સાથે હિન્દુવાદી સંગઠનોની રકઝકનો વીડિયો પણ સોશિયલ મીડિયામાં ભારે વાયરલ થયો છે.

જો માફીનામુ નહીં લખી આપો તો....

જો કે, આ બાબતે માફીનામુ નહીં લખી આપો તો વિદ્યાર્થીઓને કાઢી મૂકવાની ધમકી પણ  આપી હતી. આથી, ગભરાયેલા વાલીઓએ સંતાનનું ભવિષ્ય ના બગડે તે માટે કામને માફીનામુ લખી આપ્યું હતુ. જો કે, શાળા સંચાલકો દ્વારા કરાયેલી ગંભીર ચેષ્ટા બહાર આવતા લોકોમાં ભારે વિરોધ સાથે ભારે આક્રોશ ઉઠયો હતો.

આ મામલે શનિવારનાં રોજ વલસાડ જીલ્લા વિશ્વ હિન્દુ પરિષદના ઉપાધ્યક્ષ નરેન્દ્ર પાયક, બજરંગદળના સંયોજક રાજુ મિશ્રા સહિતના કાર્યકરો શાળાએ પહોંચી ગયા હતાં અને જય શ્રી રામ બોલનાર વિદ્યાર્થીઓને શાળામાંથી કાઢી મૂકવાની ધમકી આપીને માફીનામુ લખાવવા અંગે વિરોધ વ્યક્ત કર્યો હતો. પરંતુ શાળાના આચાર્ય ગેરહાજર હોવાથી અન્ય શાળાના આચાર્ય પણ ત્યાં દોડી ગયા હતાં. VHP ના આગેવાનોએ ભારે આક્રોશ ઠાલવી શાળા સંચાલકોના આ કૃત્ય અંગે માફીનામુ આપે તેવી માંગ કરી હતી.

બીજી બાજુ સોશિયલ મીડિયામાં શાળા સંચાલકો વિરૂદ્ધ લોકોએ આકરી પ્રતિક્રિયા પણ આપી હતી. આ સાથે આપણાં દેશમાં શું જય શ્રી રામના જાપ પર પ્રતિબંધ છે? શું આપણા દેશમાં આપણા આરાધ્ય દેવ ભગવાન કે શ્રી રામનું નામ લેવું એ ગુનો છે? ત્યારે આવી શાળાઓને બાકાત રાખો એવો ઉલ્લેખ પણ કરાયો હતો.