વિવાદ / સાધ્વી પ્રજ્ઞાનું વિવાદિત નિવેદન : જે ઘરમાં ફુઈ, માસીની છોકરી સાથે લગ્ન થતા હોય ત્યાં હિજાબની જરુર

• હિજાબ વિવાદમાં હવે સાંસદ સાધ્વી પ્રજ્ઞાએ ઝુકાવ્યું 
• ભોપાલના ભાજપ  સાંસદ સાધ્વી પ્રજ્ઞાનું વિવાદીત નિવેદન
•  મુસ્લિમ છોકરીઓને ઘરમાં જ વધારે ખતરો 
• ત્યાં પહેરવો જોઈએ હિજાબ

દેશમાં ચાલી રહેલા હિજાબ વિવાદમાં રાજકીય નેતાઓ ઝુકાવીને વિવાદીત નિવેદન આપી રહ્યાં છે. આ વિવાદમાં હવે સાધ્વી પ્રજ્ઞાએ પણ ઝૂકાવ્યું છે. સાધ્વી પ્રજ્ઞાએ કહ્યું કે મુસ્લિમ છોકરીઓને તેમના ઘરમાં જ વધારે ખતરો હોય છે તેથી તેમણે ઘરમાં જ હિજાબ પહેરવો જોઈએ પરંતુ સ્કુલ અને કોલેજમાં તેની જરુર નથી. 

भोपाल की भाजपा सांसद साध्वी प्रज्ञा सिंह ठाकुर का विवादित बयान, हिजाब विवाद पर कहा कि हिजाब तो अपने घर में ही पहनने की जरूरत है क्योंकि वहां तो रिश्ते में शादी हो जाती है। विद्यालय या महाविद्यालय के ड्रेस का अनुशासन नहीं बिगाड़ें। pic.twitter.com/dOWGk9oXJY

— Hindustan (@Live_Hindustan) February 16, 2022

મહિલાઓને ખરો ખતરો ઘરમાં, ત્યાં પહેરવો જોઈએ હિજાબ

સાધ્વી પ્રજ્ઞાએ હિજાબ અને ખિજાબની તુલના કરી. તેમણે કહ્યું કે ખિજાબનો ઉપયોગ ઉંમર છુપાવવા માટે કરાય છે તો હિબાજનો ઉપયોગ ચહેરો છુપાવવા માટે કરાય છે. મુસ્લિમ મહિલાઓને તેમના ફુવા, કાકા અને મામાના છોકરાઓ તરફથી સૌથી વધારે ખતરો રહેતો હોય છે. તેથી તેમણે ઘરમાં પહેરવો જોઈએ. 

સ્કૂલ અને કોલેજોમાં હિજાબની કોઈ જરુર નથી 
સાધ્વીએ આગળ કહ્યું કે હિંદુ તો સનાતની પરંપરામાં માને છે. હિંદુ ધર્મમાં નારીને દેવી તરીકે પૂજવામાં આવે છે. તેથી હિંદુ મહિલાઓ સુરક્ષિત હોય છે. હિંદુ વિદ્યાર્થીઓ પણ ગુરુકુળમાં ભગવા વસ્ત્રો પહેરે છે પરંતુ સ્કૂલ અને કોલેજોમાં યુનિફોર્મ પહેરે છે. મુસલમાનોએ પણ મદરેસામાં કંઈક પહેરવું જોઈએ. લોકોને તેનાથી કોઈ ફર્ક પડતો નથી પરંતુ સ્કૂલ અને કોલેજોમાં હિજાબની કોઈ જરુર નથી. 

જ્યાં કુદ્રષ્ટિ હોય છે ત્યાં પરદો રાખવાની જરુર 

સાધ્વીએ કહ્યું કે જ્યાં ફુઈ, માસી અને પહેલી પત્નીની છોકરી સાથે લગ્ન થઈ જાય હોય ત્યાં હિજાબ પહેરવો જોઈએ કારણે ત્યાં કુદ્રષ્ટિ હોય છે ત્યાં પરદો રાખવાની જરુર છે.