કોંગ્રેસના કાર્યકર્તા સોમવારે ઉત્તર પ્રદેશના આગરા જિલ્લાની કલેક્ટ્રેટમાં ડુંગળીના વધી રહેલા ભાવને લઇને પ્રદર્શન કરી રહ્યા હતા. કોંગ્રેસ સંઘર્ષ સમિતિના બેનર હેઠળ કરાઇ રહેલા આ પ્રદર્શન દરમિયાન કોંગ્રેસ કાર્યકર્તા ડુંગળી લઇને બેઠા હતા.
આ દરમિયાન ડુંગળી ખરીદવા પહોંચેલા એક ગ્રાહકની ડુંગળીને ત્યાં પહોંચેલી વાંદરાઓના ટોળાએ લૂટી લીધી. પછી શું, જે વ્યક્તિના હાથમાંથી વાંદરાઓએ ડુંગળી લુટી લીધી, તે નિરાશ થઇ જોતો રહી ગયો.
નોંધનીય છે કે, શહેરમાં 100થી 150 રૂપિયા કિલોની કિંમતમાં વેચાતી ડુંગળીને કોંગ્રેસ 25 રૂપિયા કિલો વેચવા બેઠા હતા. કોંગ્રેસ સંઘર્ષ સમિતિએ યોજના બનાવી હતી કે આ પ્રકારે જનતાનું ધ્યાન જશે અને વિરોધ પ્રદર્શન પણ કરીશું. સોમવારે કોંગ્રેસ જન સંઘર્ષ સમિતિના કાર્યકર્તા ડુંગલીને કલેક્ટ્રેટના ગેટ પર પહોંચ્યા અને 'કોંગ્રેસની બમ્પર સેલ' સાથે 25 રૂપિયા કિલોની કિંમતે ડુંગળી વેચવા લાગ્યા.
પ્રાપ્ત જાણકારી મુજબ, આટલી સસ્તી ડુંગળી માટે સારી એવી ભીડ એકઠી થઇ ગઇ હતી. ત્યારે ડુંગળીના સેલમાંથી એક વ્યક્તિએ ડુંગળી ખરીદી હતી. જોકે, એ વ્યક્તિએ જ્યારે પોતાની બાઇક ઉભી રાખી તો, થોડીક જ વારમાં વાંદરાઓના ટોળાએ તેને ઘેરી લીધો. અને બાદમાં વાંદરાઓએ તેની પર હુમલો બોલ્યો અને ડુંગળી નીકાળીને ખાવા લાગ્યા.