VIDEO: પ્રજાની ફરિયાદ સાંભળવા કોંગ્રેસે શરૂ કરી 'લોક સરકાર' પરેશ ધાનાણીની જાહેરાત

ગાંધીનગર: કોંગ્રેસે રાજ્ય સરકારના સમકક્ષ લોક સરકારની શરૂઆત કરી છે. વિરોધ પક્ષના નેતા પરેશ ધાનાણીએ લોક સરકારની જાહેરાત કરી છે. જેમાં સરકારના દરેક વિભાગને સમકક્ષ નેતાની નિમણૂક કરવામાં આવશે અને ત્યાર બાદ લોક સરકાર વેબ પોર્ટલથી આમ જનતાને પ્રશ્નો હલ કરવાના પ્રયાસ કરશે.

આ વ્યવસ્થા હેઠળ સરકાર સમક્ષ સામાન્ય વ્યક્તિ પોતાની રજૂઆત મુકી શકશે. આ મામલે પરેશ ધાનાણીએ સરકારને પણ આડે હાથ લીધી અને પ્રહાર કરતાં કહ્યું કે સરકારના વિવિધ વિભાગોમાં ભ્રષ્ટાચાર થયો છે. જેથી આ લોક સરકાર વ્યવસ્થાને ઓનલાઈન ઉપલબ્ધ કરાશે.
 

વિપક્ષ નેતા @paresh_dhanani ની પ્રેસ કોન્ફરન્સ જનતા માટે લોક સરકારની નવી વ્યવસ્થાની શરૂઆત કરાશે લોકો વચ્ચે કોંગ્રેસ આ નવી વ્યવસ્થા મુકશે લોક સરકાર સમક્ષ સામાન્ય વ્યક્તિ પોતાની રજૂઆત મુકી શકશે સરકારના વિવિધ વિભાગોમાં ભ્રષ્ટાચાર છેઃ ધાનાણી

— VTV Gujarati News (@VtvGujarati) June 26 2018

જેથી લોકો પોતાની ફરિયાદ ઓનલાઈન આપી શકશે. જેથી લોકોની ફરિયાદ સરકારમાં મુકીને કોંગ્રેસ મોનિટરિંગ કરશે અને જો જવાબદાર વ્યક્તિ ગંભીરતા નહીં દાખવે તો તેને પ્રજા સમક્ષ ખુલ્લા પાડવામાં આવશે.આ વ્યવસ્થા થકી કોંગ્રેસ સરકારને જગાડવાના પ્રયાસ કરશે.. પરેશ ધાનાણીએ જણાવ્યું કે લોક સરકારમાં NGO RTI એક્ટિવિસ્ટ અને સામાજિક કાર્યકરો જોડાઈ શકશે.