મહારાષ્ટ્રમાં સરકાર ગઠનને લઇને આજે દિલ્હીમાં કોંગ્રેસ અને NCP નેતાઓ વચ્ચે બેઠક યોજાઈ હતી. શરદ પવારના ત્યાં આ બેઠક મળી હતી. જેમાં કોંગ્રેસના અહેમદ પટેલ, વેણુગોપાલ, મલ્લિકાર્જુન ખડગે, એ.કે.એન્ટની અને મહારાષ્ટ્રના પૂર્વ મુખ્યમંત્રી અશોક ચૌહાણ ઉપસ્થિત હતા. જ્યારે NCPમાંથી પ્રફુલ પટેલ અને સુપ્રિયા સુલે પણ હાજર રહ્યા હતા.
મહારાષ્ટ્રમાં સરકાર બનાવવા પર થઇ રહી છે વાતચીત
શુક્રવારે થઇ શકે છે એલાનઃ કોંગ્રેસ
કોંગ્રેસે મહારાષ્ટ્રમાં સરકાર બનાવવાને લઇને કહ્યું કે શુક્રવારે સત્તાવાર રીતે એલાન કરીશું. કોંગ્રેસ નેતા પૃથ્વીરાજ ચૌહાણે કહ્યું કે કોંગ્રેસ અને એનસીપીના નેતા ગુરૂવાર સવારે 10:00 કલાકે પોતાના નેતાઓ સાથે બેઠક કરશે. આ બેઠક બાદ ફરી અમે બપોરે મળીશું અને તમામ શરતો પૂરી કરીશું, પરમ દિવસે અમે મહારાષ્ટ્રના તમામ નેતાઓ સાથે મુંબઇમાં મુલાકાત કરીશું.
આ બેઠક બાદ કોંગ્રેસ નેતા પૃથ્વીરાજ ચૌહાણે કહ્યું હતું કે, કોંગ્રેસ NCP વચ્ચે આજે લાંબી અને સકારાત્મક વાતચીત થઇ છે અને વાતચીત આગળ પણ ચાલુ રહેશે. તેમજ તેમણે કહ્યું કે મને આશા છે કે અમે ટૂંક સમયમાં જ મહારાષ્ટ્રમાં એક સ્થિર સરકાર બનાવવામાં સફળ થઇશું.
Prithviraj Chavan, Congress on Maharashtra govt formation: Congress leaders and Cong-NCP will meet tomorrow. By evening we will leave for Maharashtra. Day after tomorrow all three parties (Congress-NCP-Shiv Sena) will meet. pic.twitter.com/V0v7FNA0pH
મહારાષ્ટ્રમાં સરકારની રચનાને લઈને છેલ્લા એકાદ મહિનાથી ચાલી રહેલ સસ્પેન્સ હજુ સુધી યથાવત રહ્યું છે. શિવસેના, કોંગ્રેસ અને NCP નેતાઓ વચ્ચે હજુ વાટાઘાટો ચાલી રહી છે. ત્યારે સૂત્રો દ્વારા મળતી માહિતી અનુસાર, સોનિયા ગાંધી અને NCPએ ગઠબંધનને મંજૂરી આપી છે. કોમન મિનિમમ પ્રોગ્રામ પર કોંગ્રેસ અને NCPએ મંજૂરી આપી છે.
તો આ મામલે NCPના નેતા નવાબ મલિકે કહ્યું કે ત્રણેય પક્ષોના સાથે આવ્યા વગર રાજ્યમાં સ્થિર સરકાર બની શકશે નહીં.
શિવસેનાના સાંસદ સંજય રાઉતે કહ્યું કે, ગુરૂવાર સુધીમાં સરકાર ગઠનને લઇને સ્થિતિ સ્પષ્ટ થઇ જશે. 4થી 5 દિવસમાં નિર્ણય લેવાશે. લોકો ઉદ્વવનું નેતૃત્વ ઈચ્છે છે ત્યારે ડિસેમ્બર મહિનામાં રાજ્યમાં નવી સરકારનું ગઠન થઇ જશે. આ ઉપરાંત તેમણે કહ્યું કે રાજ્યમાં સૌથી મોટી પાર્ટી ભાજપ સ્થિર સરકાર નથી આપી શકતી. તેથી અન્ય પાર્ટીઓ પર આ જવાબદારી આવી જાય છે કે તેઓ રાજ્યમાં સ્થિર સરકાર આપે. આથી ત્રણેય પક્ષો સાથે મળી સરકાર બનાવશે.