રજૂઆત / વિધાનસભામાં ગૂંજ્યો કોરોના સહાયનો મુદ્દો, કોંગ્રેસ ઉપનેતાએ કહ્યું- 'અકસ્માતની જેમ કોરોના મૃતકોને પણ આપો 4 લાખની સહાય'

• વિધાનસભામાં કોંગ્રેસના નેતા શૈલેષ પરમારની રજૂઆત
• મૃતકના પરિવારને 4 લાખની સહાય આપવાની રજૂઆત કરી
• સરકારે કોરોનાથી થયેલા મૃત્યુના આંકડા છુપાવ્યા હતા

ગાંધીનગર ખાતે વિધાનસભાના ગૃહમાં ચાલી રહેલા સત્ર દરમિયાન કોંગ્રેસના નેતા શૈલેષ પરમારે કોરોનાખી મૃત્યુ પામનાર પરિવારને  4 લાખ રૂપિયાની સહાય આપવામાં આવે તેવી રજૂઆત કરવામાં આવી છે. તેમણે જણાવ્યું હતું કે, રાજસ્થાન, પંજાબ, છત્તીસગઢ સરકારે કેન્દ્રમાં મૃતકોના પરિવારજનોને સહાય માટે  4 લાખ રૂપિયાની સહાય આપવાની રજૂઆત કરવામાં આવી હતી. જ્યારે ગુજરાત સરકાર તરફ 4 લાખ રૂપિયાની સહાય બાબતે કેન્દ્ર સરકારને કોઈ રજૂઆત કરવામાં આવી નહી.

ગુજરાત સરકારે 4 લાખ સહાય બાબતે કેન્દ્રને રજુઆત ન કરી

શૈલેષ પરમારે રાજ્ય સરકાર સહિત કેન્દ્ર સરકાર પર આકરાં પ્રહાર કરતાં જણાવ્યું હતું કે, કેન્દ્ર સરકારે સહાય આપવાના મામલે કોઈ પહેલ નથી કરી, સરકારે કોરોનાથી મૃત્યુ પામનારા પરિવારોને સુપ્રીમ કોર્ટની ગાઇડલાઇન આધારે 50 હજાર સહાય ચુકવી છે. ઉલ્લેખની છે કે, અકસ્માતમાં મૃત્યુ પામનારને રાજ્ય 4 લાખ સહાય અપાય છે. ત્યારે કોરોનાથી મૃત્યુ પામનારા પરિવારને કેમ રૂ 4 લાખની સહાય કેમ ન આપી. તેમણે વધુમાં ઉમેર્યું હતું કે, કોરોનાની સ્થિતિની વાત આવે ત્યારે ગુજરાત સરકાર ખુલ્લી પડી જાય છે

સરકારે કોરોનાથી થયેલા મૃત્યુના આંકડા છુપાવ્યા હતા

તેમણે વધુમાં જણાવ્યું કે,  કોરોનામાં ઇન્જેક્શનની ઓક્સિજન સુવિધા ન મળી, સ્મશાનમાં ભઠ્ઠીઓ પણ પીગળી ગઈ અમે આ બાબતે સરકાર સમક્ષ વારંવાર  ધ્યાન દોર્યું હતું. આ સાથે સરકારી બાબુઓ ખોટી માહિતી આપતા હોવાનું ધ્યાન દોર્યું હતું. સરકાર હજી પણ કોરોનાથી મોતના આંકડા છુપાવ્યા હતા