રણનીતિ / સંસદમાં કેન્દ્ર સરકારને ઘેરવા કોંગ્રેસે તૈયાર કર્યો તખ્તો, આજે કોંગ્રેસની પાર્લામેન્ટરી બોર્ડની બેઠક

• સંસદમાં સરકારને ઘેરવા કોંગ્રેસે તૈયાર કર્યો તખ્તો
• શિયાળુ સત્રમાં ચૂંટણી બોન્ડનો મુદ્દો ઉઠાવશે કોંગ્રેસ
• આજે કોંગ્રેસની પાર્લામેન્ટ્રી બોર્ડની બેઠક

કોંગ્રેસ ભાજપની નેતૃત્વવાળી કેન્દ્ર સરકાર પર પણ આરોપ લગાવ્યો છે. કોંગ્રેસે દાવો કર્યો કે બોન્ડ વ્યવસ્થા મુદ્દે RBI અને ચૂંટણીપંચે પણ વાંધો ઉઠાવ્યો હતો. તેમ છતાં 2017માં આ નિર્ણય કરવામાં આવ્યો હતો. આ ચૂંટણી બોન્ડથી સૌથી વધુ ફાયદો ભાજપને થયો હોવાનો કોંગ્રેસે દાવો કર્યો છે.
 

આમ કોંગ્રેસ શિયાળુ સત્ર દરમિયાન સંસદમાં ચૂંટણી બોન્ડનો મુદ્દો ઉઠાવી કેન્દ્ર સરકારને ઘેરવાનો પ્રયાસ કરશે. કોંગ્રેસ પ્રવક્તાએ કહ્યું હતું કે લોકશાહી ખતરામાં છે તેને લઇને કોંગ્રેસ હવે આ મુદ્દાને શિયાળુ સત્રમાં ઉઠાવશે. કોંગ્રેસે જણાવ્યું કે તત્કાલિન રાજ્યકક્ષાના નાણા મંત્રીએ સંસદમાં ખોટુ બોલ્યા છે, જેને વિરુધ્ધ વિશેષાધિકર ઉલ્લંઘન પ્રસ્તાવ
લાવવામાં આવશે. 
 

કોંગ્રેસની આજે પાર્લામેન્ટરી બોર્ડની બેઠક

આજે કોંગ્રેસની પાર્લામેન્ટરી બોર્ડની બેઠક યોજાશે, જેમાં સંસદભવનમાં કોંગ્રેસના સભ્યો મળશે. સોનિયા ગાંધીની અધ્યક્ષતામાં સરકારને ઘેરવા અંગેની રણનીતિ ઉપર ચર્ચા કરાશે.