રાજનીતિ / મોદી સરકારને ઘેરવા માટે સોનિયા ગાંધી ઉતરશે મેદાનમાં, 30 નવેમ્બરે ભાજપની ચિંતા વધશે

પાર્ટીએ પાંચ નવેમ્બરથી 15 નવેમ્બર દેશના અલગ અલગ ભાગમાં આંદોલન કરવાની યોજના બનાવી હતી. આ દરમિયાન કોંગ્રેસ કેન્દ્રની ભાજપ સરકારની નિષ્ફળતાઓને ઉજાગર કરવા માટે વિરોધ પ્રદર્શન કર્યું.

કોંગ્રેસ મહાસચિવ કેસી વેણુગોપાલે પત્રકારોને કહ્યું કે, આજે અમે નિર્ણય કર્યો છે કે જિલ્લા અને રાજ્ય સ્તરે આંદોલનને 25 નવેમ્બર પહેલા પૂર્ણ કરી દેવામાં આવશે. તેમણે કહ્યું કે અમે દિલ્હીના રામલીલા મેદાનમાં 30 નવેમ્બરે કેન્દ્ર સરકારની જનવિરોધી નીતિઓ વિરૂદ્ધ એક વિશાળ રેલી કરવાનો નિર્ણય કર્યો છે. બેઠકમાં આ રેલીને 'ભારત બચાવો રેલી' નામ આપવાનો નિર્ણય કરવામાં કરવામાં આવ્યો કારણ કે લોકો બહુ જ દુઃખી છે.

કોંગ્રેસે પોતાના મહાસચિવો, વિભાગોના પ્રમુખો, રાજ્ય એકમના પ્રમુખો અને સીએલપી નેતાઓનીસાથે શનિવારે બેઠક કરી. વેણુગોપાલે કહ્યું કે, કેન્દ્ર સરકારની જન વિરોધી નીતિઓ વિશેષ કરીને આર્થિક સુસ્તી, ખેડૂતોને સંકટ, બેરોજગારી અને અન્ય મુદ્દાઓ વિરૂદ્ધ આંદોલન કાર્યક્રમ પર ચર્ચા માટે બેઠક બોલાવી હતી.