રાજનીતિ / રાહુલ ગાંધી બાદ કોણ બની શકે કોંગ્રેસ અધ્યક્ષ ? સામે આવી રહ્યા છે આ નામ

આ ઉપરાંત યુવા ચહેરા સ્વરૂપે સચિન પાઇલટ અને જ્યોતિરાદિત્ય સિંધિયાના નામ પણ સામે આવી રહ્યું છે. આ સૌની વચ્ચે પાર્ટી એક વ્યવહાર્ય વૈકલ્પિક વ્યવસ્થામાં જુટી છે. કોંગ્રેસનું કહેવું છે કે પાર્ટી કાર્યસમિતિ તરફથી રાજીનામુ સ્વીકાર કરવામાં આવ્યા બાદ અને નવા અધ્યક્ષની નિયુક્તિ પ્રક્રિયા સુધી રાહુલ ગાંધી કોંગ્રેસના અધ્યક્ષ બની રહેશે. બતાવામાં આવી રહ્યું છે કે અખિલ ભારતીય કોંગ્રેસ સમિતિના સૌથી વરિષ્ઠ સભ્ય મોતીલાલ વોરા કાર્યકારી અધ્યક્ષની જવાબદારી સંભાળી શકે છે. 

પાર્ટી નેતાઓનું કહેવું છે કે સૌથી પહેલુ સ્ટેપ કાર્યસમિતિની બેઠક રહેશે. રાહુલ ગાંધી એક માનહાનિ મામલે ભિવંડીની કોર્ટમાં રજૂ થશે. કોંગ્રેસનું સંવિધાન કહે છે કે કોઇપણ પ્રકારની કટોકટીની સ્થિતિમાં જેમકે, અધ્યક્ષની મોત અથવા રાજીનામા આપવા પર, નવા અધ્યક્ષની ચૂંટણી સુધી સૌથી વરિષ્ઠ મહાસચિવ જ પાર્ટીના રોજિંદા દાયિત્વ સંભાળશે. 

આ પહેલા કોંગ્રેસ અધ્યક્ષ રાહુલ ગાંધીએ પોતાના ખુલ્લા પત્રમાં પોતાના મનની વાતનો સંકેત આપ્યો હતો. પોતાના ચાર પેજના પત્રમાં એમણે એ વાતનો ઉલ્લેખ કર્યો હતો કે પાર્ટીએ કેટલાક કડક નિર્ણય કરવા પડશે.