ગાંધીનગર / કોલેજોમાં વગર પરીક્ષાએ આ રીતે વિદ્યાર્થીઓના પરિણામ જાહેર કરવાનો શિક્ષણ વિભાગ લઇ શકે નિર્ણય

• યુનિવર્સિટીઓની પરીક્ષાને લઇને શિક્ષણ વિભાગ ચિંતામાં
• કોરોના વાયરસ બન્યો જવાબદાર 
• પ્રોરેટા મુજબ અપાઇ શકે પરિણામ 

ઉલ્લેખનીય છે કે, સમગ્ર દેશમાં કોરોના વાયરસને કારણે સરકાર દ્વારા લોકડાઉન જાહેર કરવામાં આવ્યું છે. જો કે, આમ થવાને કારણે રાજ્યની વિવિધ યુનિવર્સિટીની પરિક્ષાઓ ખોરંભે ચડી છે. આ સાથે એવી પણ આંશકા વ્યક્ત કરવામાં આવી રહી છે કે, લોકડાઉનનો સમયગાળો હજી વધી શકે છે. ત્યારે વિદ્યાર્થીઓની પરીક્ષા અંગે શું કરવું તે અંગેનો વિકલ્પ રાજ્યનું શિક્ષણ વિભાગ વિચારી રહ્યું છે. 

કોલેજની પરીક્ષાને લઇને શિક્ષણ વિભાગ વિચારમાં 

 
આ સાથે એવું પણ વિચાર કરવામાં આવી રહ્યો છે કે, જો પરીક્ષા લેવામાં ન આવે તે રિઝલ્ટ આપવું કેવી રીત..? આ તમામ બાબતના અંગે કુલપતિથી લઇને શિક્ષણ વિભાગના અધિકારીઓ વિચારી રહ્યા છે. જેમાં એક તારણ એવું પણ કાઢવામાં આવ્યું છે કે, પરીક્ષા નહીં તો પ્રોરેટા મુજબ પરિણામ જાહેર કરવું. 

પ્રોરેટા મુજબ વિદ્યાર્થીઓને જાહેર થઇ શકે છે પરિણામ 

જેમાં પહેલા અને બીજા સેમેસ્ટરના પરિણામોના મૂલ્યાંકન કરી ત્રીજા સેમેસ્ટરનું પરિણામ આપવું, આ જ પ્રમાણે જો ચોથા સેમેસ્ટરમાં વિદ્યાર્થી હોય તો પહેલા, બીજા અને ત્રીજા સેમ.ના આધારે ચોથાનું રિઝલ્ટ આપવું. ત્યારે હવે આ મામલે ફાઇનલ શું નિર્ણય લેવામાં આવી શકે છે તે આગામી અઠવાડિયામાં જાહેર કરવામાં આવશે.