IPLIN
 
  • Home
  • India
  • CM's big decision on education, ban on increase in fees of private schools, relief to parents

પ્રશંસનીય પહેલ / શિક્ષણ પર પંજાબના મુખ્યમંત્રીના બે મોટા નિર્ણય, ખાનગી સ્કૂલોની ફી વધારા પર પ્રતિબંધ, વાલીઓને મળી બીજી રાહત

Team VTV 04:39 PM, 30 Mar 22 | Updated: 04:45 PM, 30 Mar 22
Follow us
CM's big decision on education, ban on increase in fees of private schools, relief to parents

જ્યારથી પંજાબમાં નવા મુખ્યમંત્રી આવ્યાં છે ત્યારથી તેઓ ઉપરાઉપરી લોકહિતના નિર્ણય લઈને છવાઈ રહ્યાં છે.

  • પંજાબ સીએમ ભગવંત માનનો મોટો નિર્ણય
  • ખાનગી સ્કૂલો પર ફી વધારવા પર મૂક્યો પ્રતિબંધ
  • તાત્કાલિક અસરથી લાગુ પડાયો નિયમ 

પંજાબના મુખ્યમંત્રીએ વધુ એક જનહિતાર્થનો નિર્ણય લીધો છે. મુખ્યમંત્રી ભગવંત માને ખાનગી સ્કૂલોની મનમાની પર બ્રેક મારી દઈને તેમને ફી વધારવા પર પ્રતિબંધ મૂકી દીધો છે. 

સીએમ માને કહ્યું કે પંજાબ સરકારે શિક્ષણ સંબંધિત બે મોટા નિર્ણય લીધા છે. રાજ્યની તમામ ખાનગી સ્કૂલોને ચાલુ સેમેસ્ટરમાં ફી ન વધારવાનો આદેશ આપી દેવાયા છે. તાત્કાલિક અસરથી આ નિર્ણય લાગુ પડશે. 

નિશ્ચિત દુકાનેથી યુનિફોર્મ કે પુસ્તકો ખરીદવાનું સ્કૂલો વાલીઓને નહીં કહી શકે 
શિક્ષણ સંબંધિત બીજા મોટા નિર્ણયની જાણકારી આપતા સીએમ માને કહ્યું કે કોઈ એક નિશ્ચિત દુકાન કે સ્ટોરમાંથી યુનિફોર્મ અને ચોપડા-ચોપડીઓ લેવાનું સ્કૂલો વાલીઓને નહીં કહી શકે. સ્કૂલો જે તે વિસ્તારમાં તેમના યુનિફોર્મ અને પુસ્તકો મળી રહે તે સુનિશ્ચિત કરશે અને આ રીતે વાલીઓ તેમના મનગમતા સ્ટોર કે દુકાનમાંથી પુસ્તકો કે યુનિફોર્મ ખરીદી શકશે. 

વાલીઓને મોટી રાહત

પંજાબના મુખ્યમંત્રી માનના બે મોટા નિર્ણયથી વાલીઓને મોટી રાહત મળશે. દેશના બીજા રાજ્યોએ પણ આ નિર્ણયનો અમલ કરવા જેવો છે જેથી કરીને ગરીબ બાળકો પણ ખાનગી સ્કૂલમાં સારુ શિક્ષણ મેળવી શકે. 

Punjab cm bhagvant mann punjab cm punjab school fee પંજાબ સ્કૂલ ફી ન્યૂઝ પંજાબ સીએમ માન ભગવંત માન
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ