યોગ / એક હજાર સાધુ-સંતો સાથે સ્ટેચ્યુ ઓફ યનિટી ખાતે CM રૂપાણી યોગ દિવસની કરશે ઉજવણી

આજે દેશ દુનિયામાં વિશ્વ યોગ દિવસની ઉજવણી કરવામાં આવશે. દુનિયાના 170 જેટલા દેશો યોગ દિવસમાં ભાગ લેશે. પ્રધાનમંત્રી મોદી રાંચીમાં 50 હજાર લોકો સાથે યોગ કરશો. તો ગુજરાતમાં યોગ દિવસને લઈને જુદા જુદા જિલ્લાઓમાં અલગ અલગ મંત્રીઓની ઉપસ્થિતિમાં કાર્યક્રમ યોજાશે.

અમદાવાદમાં મુખ્યમંત્રી રૂપાણી સરદાર પટેલ સ્ટેડિયમ ખાતે યોગ કરશે. તો આર.સી ફળદુ જામનગર, ભુપેન્દ્રસિંહ ચુડાસમાં, ગણપત વસાવા સુરતમાં હાજર રહેશે. તો જયેશ રાદડિયા રાજકોટમાં, દિલીપ ઠાકોર પાટણમાં, ઈશ્વર પરમાર તાપીમાં ઉજવણી કરશે.

આ ઉપરાંત કુંવરજી બાવળીયા બોટાદ, જવાહર ચાવડા પોરબંદર, પ્રદિપસિંહ જાડેજા ગાંધીનગર, બચુ ખાબડ દાહોદ, જયદ્રથસિંહ પરમાર પંચમહાલ, ઈશ્વરસિંહ પટેલ ભરૂચ, વાસણ આહિર અને વિભાવરીબેન બનાસકાંઠામાં યોગ દિવસ મનાવશે.

મુખ્યમંત્રી રૂપાણી જશે સ્ટેચ્યુ ઓફ યુનિટી

આજે યોગ દિવસે મુખ્યમંત્રી રૂપાણી સ્ટેચ્યુ ઓફ યુનિટી જશે. એક હજાર જેટલા સાધુ-સંતો સાથે યોગદિવસની ઉજવણી કરશે. સાંજે 6 વાગે સ્ટેચ્યુ ઓફ યુનિટી પર યોગદિવસની ઉજવણી કરશે. 3 વાગ્યા બાદ પ્રવાસીઓ માટે પ્રતિબંધ મુકવામાં આવશે.

સુરતમાં વિશ્વ યોગ દિવસની ઉજવણી

સમગ્ર રાજ્યમાં  વિશ્વ યોગ દિવસની ઉજવણીની તૈયારીઓ કરવામાં આવી હતી. ત્યારે સુરતમાં પણ વિશ્વ યોગ દિવસની તૈયારીઓ પૂર જોશમાં કરવામાં આવી છે. ગુરુકુળના વિદ્યાર્થીઓએ સાંકળ રચીને પ્રતિકૃતિ રચી હતી. આ વિદ્યાર્થીઓ રચેલી પ્રતિકૃતિના આકાશી દ્રશ્યો ઘણા નયન રમ્ય જણાતા હતાં. જેમાં અનેક વિદ્યાર્થીઓએ જોડાઇને - વલ્ડ યોગ ડે - 2019 લખ્યુ હતું.