અષાઢી બીજ / કચ્છીમાડુઓને CM ભૂપેન્દ્ર પટેલે પાઠવી નવા વર્ષની શુભેચ્છા, કહ્યું- કચ્છ હવે નર્મદાના જળથી સમૃદ્ધિ તરફ વળ્યું છે

• પોતાની ખુમારી તથા કર્તવ્ય પરાયણતા અને વ્યવહાર કુશળતાથી કચ્છીપણું ઝળકાવ્યું છે
• કચ્છી નૂતનવર્ષની સૌ કચ્છીઓને શુભેચ્છા પાઠવતા મુખ્યમંત્રી ભૂપેન્દ્ર પટેલ  
• કચ્છની સર્વાંગી વિકાસયાત્રા વધુને વધુ ઉન્નત બને તેવી મંગલકામના મુખ્યમંત્રીએ વ્યક્ત કરી 

કચ્છડ઼ો ખેલે ખલકમેં, જીં મહાસાગરમેં મચ્છ,
જિતે હિકડ઼ો કચ્છી વસે, ઉતે ડીંયાડીં કચ્છ.

સૌ કચ્છી ભાઈબહેનોને કચ્છી નૂતન વર્ષની મંગલ શુભેચ્છાઓ... pic.twitter.com/xmazNVmOxa

— Bhupendra Patel (@Bhupendrapbjp) July 1, 2022

મુખ્યમંત્રીએ કચ્છી નૂતનવર્ષની શુભકામનાઓ પાઠવી

મુખ્યમંત્રીએ કચ્છી નૂતનવર્ષની શુભકામનાઓ પાઠવતા  જણાવ્યું છે કે, દેશ અને દુનિયામાં જ્યાં જ્યાં કચ્છીઓ વસ્યા છે ત્યાં તેમણે પોતાની ખુમારી તથા કર્તવ્ય પરાયણતા અને વ્યવહાર કુશળતાથી કચ્છીપણું ઝળકાવ્યું છે. કચ્છ જેવો એક સમયે અછતગ્રસ્ત ગણાતો પ્રદેશ હવે નર્મદાના જળથી સમૃદ્ધિ તરફ આગળ વધ્યો છે. 

સૌના સાથ, સૌના વિકાસ મંત્રથી આવનારા વર્ષોમાં વધુને વધુ ઉન્નત બને તેવી મંગલકામનાઓ 

એટલું જ નહિ, હાઇબ્રીડ એનર્જી પાર્ક અને અનેક  ઉદ્યોગો સાથે કચ્છ વિકાસની જે હરણફાળ ભરી રહ્યું છે તે સૌના સાથ, સૌના વિકાસ, સૌના વિશ્વાસ અને સૌના પ્રયાસના ધ્યેય મંત્રથી આવનારા વર્ષોમાં વધુને વધુ ઉન્નત બને તેવી મંગલકામનાઓ પણ ભૂપેન્દ્ર પટેલે કચ્છી નૂતન વર્ષના આ અવસરે વ્યકત કરી છે