નિવેદન / ઉદ્યોગો માત્ર પૈસા તરફ ન જોવે, કુદરતનાં નિયમો તોડીશું તો કેવી રીતે છૂટીશું, પર્યાવરણ દિવસે CM ભૂપેન્દ્ર પટેલે કરી મોટી વાત

• ગુજરાત યુનિ.માં પર્યાવરણ દિનની ઉજવણી
• ટાઈમ આવ્યો છે કે હવે વિચારવું પડે એવું છે-CM
• મોદીજી આપણી સાથે દીર્ઘદ્રષ્ટા છે- CM

આજે વિશ્ન પર્યાવરણ દિન નિમિત્તે રાજ્યમાં ઠેર ઠેર કાર્યક્રમોનું આયોજન કરવામાં આવ્યું છે. ત્યારે અમદાવાદમાં ગુજરાત યુનિવર્સિટીના કન્વેન્શન હોલમાં પર્યાવરણ દિવસની ઉજવણી કરવામાં આવી હતી. આ પ્રસંગે સીએમ ભૂપેન્દ્ર પટેલ પણ ઉપસ્થિત રહ્યા હતા. આ પ્રસંગે તેઓએ ખાસ પ્રાકૃતિક ખેતી પર ભાર આપીને મહત્વનું નિવેદન આપ્યું હતું. 

મોદીજી આપણી સાથે દીર્ઘદ્રષ્ટા છે - CM

પર્યાવરણ દિવસની ઉજવણી કાર્યક્રમમાં સીએમ ભૂપેન્દ્ર પટેલે સંબોધન કરતા જણાવ્યું કે ટાઇમ આવ્યો છે કે હવે વિચારવુ પડે એમ છે.  આપણે જ્યાં પહોંચ્યા ત્યાંથી પાછા ફરવાની જરૂરિયાત ઊભી થઈ છે. મોદીજી આપણી સાથે દીર્ઘદ્રષ્ટા છે.  કારણ કે આપણે કુદરતના નિયમો તોડીશુ તો કેવી રીતે ચાલશે. કેવી રીતે છૂટાશે. કેમિકલયુક્ત ખાતર અને દવાના છંટકાવથી જમીનની ફળદ્રુપતા ઘટી ગઇ છે.  નાની ઉંમરે બ્લડ પ્રેશર, એટેક, ડાયાબિટીસની શરૂઆત થઈ છે.પ્રાકૃતિક ખેતી તરફ જઈશું તો સ્વાસ્થ્ય સુધરશે.

ઔધોગિક એકમો માત્ર પૈસા સામે જોશે તો સમસ્યા વધશે- CM

સીએમએ ઔદ્યોગિક એકમોને સંબોધન કરતા જણાવ્યું કે ઔદ્યોગિક એકમો માત્ર પૈસા સામે જોશે તો સમસ્યાઓ વધશે. તેમજ સોલાર એનર્જીનો વપરાશ વધારવા પણ જણાવ્યું.  જેટલો  સોલાર એનર્જીનો જેટલો વપરાશ કરીએ એટલું સારું. તેમજ પર્યાવરણની બચાવવા માટે સિંગલ યુઝ પ્લાસ્ટિકનો ઉપયોગ ઓછો કરવા પણ જણાવ્યું હતું.