કાર્યવાહી / લૉકડાઉનની વચ્ચે RBIએ રદ્દ કર્યું આ બેંકનું લાયસન્સ, ખાતાધારકોને થશે મુશ્કેલી

• RBIએ કેન્સલ કર્યું આ બેંકનું લાયસન્સ
• સીકેપી સહકારી બેંકના ખાતેદારો પર મોટું જોખમ
• બેંકના સવા લાખ ખાતેદારો પર આવ્યું મોટું સંકટ

ભારતીય રિઝર્વ બેંકે સીકેપી સહકારી બેંકના ગ્રાહકોને મોટો ઝટકો આપ્યો છે અને સાથે તેઓએ બેંકનું લાયસન્સ રદ્દ કર્યું છે. મળતી માહિતી અનુસાર બેંકના લગભગ સવા લાખ ખાતાધારકો પર સંકટ આવ્યું છે. બેંકની 485 કરોડ રૂપિયાની એફડી પર અધ્ધર લટકી રહી છે.

નક્કી સમય પહેલાં જ રદ્દ થયું બેંકનું લાયસન્સ

RBI વર્ષ 2014થી જ સતત બેંક પર પ્રતિબંધનો સમય વધારી રહી હતી. પરંતુ 31 માર્ચે આ સમય વધાર્યો હતો તે 31 મેનો કરવામાં આવ્યો હતો. RBIએ આ પહેલાં જ બેંકનું લાયસન્સ રદ્દ કર્યું છે. 

શું રદ્દ થયું બેંકનું લાયસન્સ?

• સીકેપી સહકારી બેંકની નેટવર્થમાં ઘટાડો થવાના કારણે તેનું લાયસન્સ રદ્દ થયું છે. ઓપરેશનલ નફો થયો હોવા છતાં નેટવર્થમમાં ભારે ઘટાડો થવાના કારણે બેંકનું લાયસન્સ રદ્દ કર્યું છે. 
• મુંબઈના દાદરમાં સીકેપી બેંકનું મુખ્ય કાર્યાલય છે. બેંકનું નુકસાન થવાના કારણે નેટવર્કમાં ઘટાડો આવવાના કારણે બેંકની લેવડ દેવડમાં વર્ષ 2014માં પ્રતિબંધ લગાવાયો હતો. ત્યારબાદ અનેક વાર બેંકનું નુકસાન ઓછું કરવાનો પ્રયત્ન કર્યો હતો. 
• આ માટે રોકાણકારો અને જમાકર્તાઓએ પ્રયત્ન પણ કર્યો હતો. તેઓએ વ્યાજદરમાં ઘટાડો કર્યો હતો. વ્યાજદર 2 ટકા સુધી લાવવામાં આવ્યો હતો. 
• કેટલાક લોકોએ પોતાની એફડીમાં શેરમાં રોકાણ કરી લીધું હતું અને સાથે જ થોડા સમય સુધી તેના પરિણામ પણ જોવા મળ્યું હતું.
• બેંકનું નુકસાન ઓછું થઈ રહ્યું હતું પરંતુ એવામાં આરબીઆઈએ સીકેપી બેંકનું લાયસન્સ રદ્દ કરવા માટે રોકાણ કારોને મોટો ઝટકો આપ્યો છે.