નાગરિકતા સંશોધન કાયદો / જાન્યુઆરીમાં આ કાયદો લાગુ કરવાની તૈયારીમાં મોદી સરકાર, વિરોધમાં દિલ્હીમાં થયા હતા રમખાણો

• CAA ને આખરી સ્વરૂપ મળે તેવી શક્યતા 
• જાન્યુઆરી 2022 માં નિયમો જાહેર થઈ શકે છે 
• ડિસેમ્બર 2019 માં સંસદમાં પસાર કરવામાં આવ્યું બિલ 

આ વખતે નવા વર્ષમાં કેન્દ્ર સરકાર (modi government) આ વખતે પડોશી દેશોના લઘુમતી શરણાર્થીઓને નાગરિકતાની ભેટ આપી શકે છે. 

હવે કાયદાને મળશે અંતિમ સ્વરૂપ 

દેશમાં ઘણા શરણાર્થીઓ ભારતીય નાગરિકતા મેળવવા માટે વર્ષોથી રાહ જોઈ રહ્યા છે. નાગરિકતા સંશોધન કાયદો (CAA) સંસદ દ્વારા 2020 માં પસાર કરવામાં આવ્યો હતો, પરંતુ તે હજુ સુધી અમલમાં આવ્યો નથી. 

જો કે, સૂત્રોનો દાવો છે કે સરકારે હવે તેના નિયમોને અંતિમ સ્વરૂપ આપી દીધું છે અને જાન્યુઆરી 2022માં લાગુ કરવામાં આવશે. એક  સમાચાર મુજબ યુપી સહિત પાંચ રાજ્યોની ચૂંટણીને ધ્યાનમાં રાખીને રાષ્ટ્રીય સ્વયંસેવક સંઘ (RSS) આ મુદ્દે સરકાર પર સતત દબાણ કરી રહ્યું છે. 

 ડિસેમ્બર 2019 માં સંસદમાં પસાર કરવામાં આવ્યું બિલ 
કેન્દ્ર સરકારે સંસદમાં કાયદો પસાર કર્યો હતો, પરંતુ હજુ સુધી તેના નિયમો આવી શક્યા નહોતા. CAA ડિસેમ્બર 2019 માં સંસદમાં પસાર કરવામાં આવ્યું હતું અને 10 જાન્યુઆરી 2020 ના રોજ નોટિફિકેશન અમલમાં આવ્યું હતું, એટલે કે તે દિવસથી કાયદો અમલમાં આવ્યો હતો, પરંતુ તેના નિયમો બે વર્ષમાં બની શક્યા ન હતા. 

નિયમો જાહેર કરવા માટે ત્રણ વખત સમય માંગ્યો

કેન્દ્ર સરકારે ઓક્ટોબર 2020, ફેબ્રુઆરી 2021 અને મે 2021માં તેના નિયમો જાહેર કરવા માટે ત્રણ વખત સમય માંગ્યો છે. હવે એવું માનવામાં આવે છે કે નવા વર્ષમાં તેના નિયમો આવશે અને તે રિલીઝ થશે.

જો કે, 2019 માં, જ્યારે સરકારે તેને સંસદમાં પસાર કર્યો, ત્યારે મુસ્લિમ સમુદાયે દેશભરમાં તેનો વિરોધ કર્યો. દિલ્હીના શાહીન બાગમાં લાંબા સમય સુધી આંદોલન ચાલ્યું. ઉત્તર પ્રદેશમાં પણ ઉગ્ર વિરોધ થયો હતો, જે બાદ ઘણા દિવસો સુધી ઇન્ટરનેટ બંધ કરવું પડ્યું હતું. યુપીની યોગી સરકારે તેની સામે હંગામો કરનારાઓ સામે કડક કાર્યવાહી કરી હતી. 2003માં કોંગ્રેસે પણ CAA જેવા કાયદાની માંગણી કરી હતી, પરંતુ મોદી સરકારે કાયદો બનાવ્યા બાદ કોંગ્રેસે જ તેનો ઉગ્ર વિરોધ કર્યો હતો.

શું છે નાગરિકતા સંશોધન કાયદો
નાગરિકતા સુધારો અધિનિયમ 2019 (CAA - 2019) લઘુમતીઓ (બિન-મુસ્લિમો) ને ભારતીય નાગરિકત્વ આપવાનો માર્ગ ખોલે છે. આ કાયદા હેઠળ પાકિસ્તાન, બાંગ્લાદેશ અને અફઘાનિસ્તાનમાં રહેતા શોષિત લોકોનો ભારતની નાગરિકતા મેળવવાનો માર્ગ સરળ બનશે. 

CAA છ બિન-મુસ્લિમ સમુદાયો - હિંદુ, શીખ, ખ્રિસ્તી, જૈન, બૌદ્ધ અને પારસી સંબંધિત તે દેશોના લઘુમતીઓ જો તેઓ 31 ડિસેમ્બર, 2014 કે તે પહેલા ભારત આવ્યા હોય તો તેમને ભારતીય નાગરિકતા મળશે.