લોકસભા / બોર્ડરની સુરક્ષા કરવી સરકારનું કર્તવ્ય, મણિપૂરમાં ઇનર લાઇન પરમિટ લાગૂ થશે

• લોકસભામાં રજૂ કરાયું નાગરિકતા સંશોધન બિલ
• અમિત શાહે કહ્યું, નાગરિકતા બિલથી લોકોને ન્યાય મળશે
• નાગરિકતા બિલની પાછળ કોઇ રાજનીતિ એજન્ડા નથી

લઘુમતીઓને લઇને ભેદભાવ નથી કરી રહ્યા

લોકસભામાં અમિત શાહે કહ્યું કે, હું ગૃહમાં વિશ્વાસ અપાવવા માંગુ છું કે, નાગરિકતા બિલથી લોકોને ન્યાય મળશે. લોકો 70 વર્ષથી ન્યાયની રાહ જોઇ રહ્યા છે. આ એક બંધારણીય પ્રક્રિયા છે. તેઓએ કહ્યું કે, નાગરિકતા બિલની પાછળ કોઇ રાજનીતિ એજન્ડા નથી. અમે નાગરિકતા બિલને લાગૂ કરવા માટે પ્રતિબદ્ધ છીએ. લઘુમતીઓને લઇને ભેદભાવ નથી કરી રહ્યા.  

અમિત શાહે કહ્યું કે, જો બિલથી ભેદભાવ સાબિત થાય છે તો, બિલને પાછુ ખેંચવામાં આવશે. આ બિલને રાજકીય પાર્ટીના આધારે ન જોવામાં આવે. તેઓએ કોંગ્રેસ પર નિશાન સાધતા કહ્યું કે, કોંગ્રેસ સાબિત કરે કે બિલ કોઇને સાથે ભેદભાવ કરે છે. 

Home Minister Amit Shah in Lok Sabha: There is no political agenda behind this bill. No question of injustice with anyone. #CitizenshipAmendmentBill2019 pic.twitter.com/ORDLFPmhvz

— ANI (@ANI) December 9, 2019

અમિત શાહે કહ્યું કે, બોર્ડરની સુરક્ષા સરકારનું કર્તવ્ય છે. મણિપુરમાં ઇનર લાઇન પરમિટ લાગૂ થશે. કોઇનો અધિકાર છિનવી રહ્યા નથી. અમે બદલાવને સ્વીકારીએ છીએ. અને બદલાવનો સમાવેશ કરીએ છીએ. 

3 દેશોથી અહીં આવેલા લોકોને નાગરિકતા આપવાની જોગવાઇ

જે લઘુમતીઓ બાંગ્લાદેશ, પાકિસ્તાન અને અફઘાનિસ્તાન આ ત્રણ દેશોથી અહીં આવ્યા છે. તેમને અહીં નાગરિકતા આપવાની જોગવાઇ છે. બંગાળના લોકોને નોર્થ-ઇસ્ટના લોકોને એ વાત બતાવવી જોઇએ કે, શરણાર્થી જે દિવસથી અહીં આવ્યા છે. તેમને એ દિવસથી જ નાગરિકતા આપવી જોઇએ. લઘુમતી પ્રવાસીઓ વિરુદ્ધ ચાલી રહેલી કોઇપણ પ્રકારની કાર્યવાહી ભારતની નાગરિકતા મળવાની સાથે જ ખતમ થઇ જશે. અમિત શાહે કહ્યું કે નાગરિકતા બિલ લાખો લોકોની નરક જેવી જિંદગીથી મુક્તિ અપાવનારું બિલ છે.