પોલિસી લેતી વખતે જો કોઈને નોમિની નથી બનાવ્યા તો શું કરશો?
ઈન્શ્યોરન્સ લેતી વખતે ખાસ રાખો આ ધ્યાન
પોલિસી લેતી વખતે નોમિનીની પસંદગી કઈ રીતે કરશો?
પોલિસી લીધા બાદ કઈ રીતે બદલી શકાય નોમિની?
તાજેતરમાં જ મદ્રાસ હાઈકોર્ટમાં એવો મામલો સામે આવ્યો કે એક મહિલાની પાસે પોતાના પતિના મૃત્યુ બાદ લાઈફ ઈન્શ્યોરન્સ માટે કોઈ લીગલ ક્લેમ ન હતું. કોર્ટે આ મામલામાં દરેક પક્ષોની દલીલો સાંભળ્યા બાદ મહિલાના સસરાના પક્ષમાં ચુકાદો આપ્યો છે. હકીકતે મૃતકે પોલીસી માટે કોઈ પણ નોમિની ન હતી રાખી અને ન તો વસીયત દ્વારા પોતાની પત્નીને પેમેન્ટ આપવાની જાહેરાત કરી હતી.
ભવિષ્યમાં આવા કોઈ વિવાદથી બચવા માટે લાઈફ ઈન્શ્યોરન્સ પોલિસી લેતી વખતે પોતાના પરિવારના કોઈ પણ સદસ્યને નોમિની બનાવવી જોઈએ. જો પોલિસી લેતી વખતે કોઈને નોમિની બનાવવામાં આવી નથી તો બાદમાં પણ નોમિની બનાવવામાં આવી શકે છે. પોલિસીમાં નોમિની હોવાથી પોલિસીધારકનું કોઈ કારણથી મૃત્યુ થઈ જાય તો તેનો નોમિની ક્લેમ કરીને તે રકમ લઈ શકે છે. તેના દ્વારા પરિવારને ક્લેમ કરવામાં સરળતા રહે છે.
સમજી વિચારીને પસંદ કરવા જોઈએ નોમિની
પોલિસી લેતી વખતે નોમિનીની પસંદગી કરવી ખૂબ જ મહત્વપૂર્ણ છે. જો તમે પરિવારમાં કમાણી કરતા એક જ સદસ્ય છો તો પરિવારના એ વ્યક્તની ઓળખ કરો જે તમારી ગેરહાજરીમાં આર્થિક જવાદબાદી ઉઠાવી શકે.
આ રીતે બદલી શકાય છે નોમિની
પોલિસીધારકના નોમિનીનું મોત થવા પર નોમિની બદલી શકાય છે. તે ઉપરાંત લગ્ન થવા અથવા ડીવોર્સ થવા જેવી સ્થિતિમાં પણ નોમિની બદલી શકાય છે. તેના માટે ઈશ્યોરન્સ કંપનીની વેબસાઈટ પરથી નોમિની ફોર્મ ડાઉનલોડ કરો અથવા આફિસથી આ ફોર્મ લઈ શકો છો. ફોર્મમાં નોમિનીની ડિટેલ્સ ભરો અને પોલિસીના ડોક્યુમેન્ટની કોપી અને નોમિનીના સાથે તમારૂ રિલેશન ડોક્યુમેન્ટ લગાવીને સબમિટ કરી દો. જો એકથી વધારે પોલિસી નોમિની છે તો દરેકની ભાગીદારી નક્કી કરી લો.